«Pieršyja 500 celaŭ užo na ałoŭku». Kamandujučy Siłami bieśpiłotnych sistem USU papiaredziŭ Łukašenku
Kamandujučy Siłami bieśpiłotnych sistem Ukrainy Robiert «Madźjar» Broŭdzi apublikavaŭ u fejsbuku papiaredžańnie dla Alaksandra Łukašenki.
Robiert Broŭdzi, kamandujučy Siłami bieśpiłotnych sistem Ukrainy. Fota Karpatśkij tielehraf
Pa jaho słovach, Ukraina ŭžo vyznačyła pieršyja 500 celaŭ na terytoryi Biełarusi.
«Minskamu haŭlajtaru Łukašesku: sabaka, jaki breša, nie kusaje. Drapiežnaja ptuška — nie takaja. Pieršyja 500 celaŭ užo na ałoŭku. Biaspłatnaja i vielmi praktyčnaja parada: nie leź na vočy Ukrainie», — napisaŭ Broŭdzi.
Heta ŭžo nie pieršyja pahrozy Robierta Broŭdzi na adras Łukašenki. Raniej jon nazyvaŭ jaho «haŭlajtaram» i «Justasam».