Ukraina i Rasija abmianialisia praź Biełaruś cyvilnymi asobami
13 žniŭnia praz terytoryju Biełarusi adbyŭsia čarhovy humanitarny abmien cyvilnymi asobami pamiž Ukrainaj i Rasijaj. Abmien prajšoŭ u punkcie propusku «Novaja Huta» na biełaruska-ŭkrainskaj miažy. U Rasiju nakiravalisia vosiem čałaviek, va Ukrainu — siem, piša BiełTA.
Siarod tych, chto ŭdzielničaŭ u abmienie, byli pažyłyja ludzi i ludzi ź invalidnaściu. Niekatorym ź ich padčas pieramiaščeńnia spatrebiłasia miedycynskaja dapamoha. Naprykład, adnaho ź piensijanieraŭ paśla pieraniesienaha insultu pieravozili ŭ reanimabili ŭ supravadžeńni fielčara.
85‑hadovaja žančyna, jakaja nakiroŭvałasia da svajoj dački va Ukrainu, na miažy zmahła patelefanavać unuku. Jašče adna ŭdzielnica abmienu, uradženka Chiersonščyny, raskazała, što vielmi čakała mahčymaści viarnucca da rodnych i znoŭ ubačyć svaich dziaciej, unukaŭ i praŭnukaŭ.
Akramia taho, ranicaj 13 žniŭnia ŭ punkcie propusku «Novaja Huta» adbyŭsia abmien ciełami zahinułych vajskoŭcaŭ pa formule 261 na 24. Bolšuju kolkaść ciełaŭ pieradaŭ rasijski bok.
Čytajcie taksama:
Kreml vyzvaliŭ źniavolenaha byłoha amierykanskaha marpiecha. Za što — pakul nieviadoma
Ukraina moža abmianiać biełarusku Kardaš na žurnalistaŭ, jakija znachodziacca ŭ rasijskim pałonie
Kijeŭ prapanoŭvaŭ pieradać zatrymanuju za špijanaž biełarusku Kardaš nie tolki Minsku