Ukraina moža abmianiać biełarusku Kardaš na žurnalistaŭ, jakija znachodziacca ŭ rasijskim pałonie
Upaŭnavažany Viarchoŭnaj Rady Ukrainy pa pravach čałavieka Dźmitryj Łubiniec zajaviŭ, što ŭkrainski bok viadzie pieramovy z Rasijaj ab vyzvaleńni z pałonu 28 ukrainskich žurnalistaŭ, piša Radyjo Svaboda.
«Tak, my viadziom pieramovy. Pa roznych katehoryjach zakładnikaŭ, u tym liku asobny śpis žurnalistaŭ i pradstaŭnikoŭ žurnalisckaj supolnaści ŭ nas u pracy», — skazaŭ Dźmitryj Łubiniec na presavaj kanfierencyi ŭ Kijevie.
U svaju čarhu kiraŭnik Abjadnanaha centra Słužby biaśpieki Ukrainy Andrej Pasternak, adkazvajučy na pytańnie ab abmienie abvinavačanaj va Ukrainie ŭ špijanažy biełaruskaj žurnalistki Iny Kardaš, adznačyŭ, što hetaja infarmacyja «abmiežavanaja dla raspaŭsiudžvańnia».
«Hetaja infarmacyja abmiežavanaja dla raspaŭsiudžvańnia. My musim atrymać vynik, viarnuć kožnaha. Nakont prapanoŭ biełaruskamu ci rasijskamu boku. Kali my budziem kamientavać kožny svoj krok, to navošta tady vieści pieramovy? Budziem tady pisać va ŭsich miedyjach, časopisach i budziem kantaktavać mienavita praź ŚMI?» — miarkuje jon.
Dźmitryj Łubiniec dadaŭ, što ŭ takim vypadku «dakładna nie budzie vynikaŭ». Jon taksama paviedamiŭ, što Ukraina sprabuje vyzvalić z rasijskaha pałonu inšaziemnych hramadzian, jak cyvilnych, tak i vajskovych.
«Tak, nam šancavała viartać hramadzian inšaziemnych krain. […] Stała atrymlivajem zapyty ad ambasad. Apošnim časam ja atrymlivaju listy ad svaich kaleh, ambudsmienaŭ, jakija źviartajucca pa dapamohu viarnuć ich hramadzian, jakija znachodziacca na terytoryi Rasii ŭ statusie abo cyvilnych zakładnikaŭ, abo vajennapałonnych», — dadaŭ Upaŭnavažany Viarchoŭnaj Rady Ukrainy pa pravach čałavieka.
Inu Kardaš zatrymali sioleta 21 studzienia i vystavili joj padazreńni ŭ špijanažy na karyść Kamiteta dziaržaŭnaj biaśpieki Biełarusi.
Na momant zatrymańnia Ina Kardaš užo pracavała ŭ Kaardynacyjnym štabie pa pytańniach abychodžańnia z vajennapałonnymi Hałoŭnaha ŭpraŭleńnia vyviedki Ministerstva abarony Ukrainy. Pavodle śledstva, jana kantaktavała z KDB praz hramadzianina Biełarusi, jaki «ŭśviadomlena dla jaje ažyćciaŭlaŭ kanfidencyjalnaje supracoŭnictva sa śpiecsłužbami Biełarusi».
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami27
Kamientary
hramadziani Biełarusi, jaki cierpić za Ukrainu.