U Kaardynacyjnym štabie Ukrainy ŭ pytańniach abychodžańnia z vajennapałonnymi ŭpieršyniu z pačatku poŭnamaštabnaj rasijskaj vajny nazvali lik hramadzian Biełarusi, jakija vajavali na baku Rasii i trapili va ŭkrainski pałon, piša «Svaboda».
«Na lipień 2026 hodu ŭ miescach utrymańnia vajennapałonnych va Ukrainie znachodziacca 22 hramadzianiny Biełarusi. Pačynajučy z 2022 hodu, 7 biełarusaŭ, jakija mieli taksama i rasijskaje hramadzianstva, abmianiali na hramadzian Ukrainy, jakija znachodzilisia ŭ rasijskim pałonie», — paviedamiŭ kiraŭnik sakrataryjatu Kaardynacyjnaha štabu Bahdan Achrymienka ŭ adkazie na aficyjny zapyt «Svabodzie».
U toj ža čas Bahdan Achrymienka nie adkazaŭ na pytańnie, ci źviartalisia ŭłady Biełarusi da Ukrainy nakont vyzvaleńnia biełarusaŭ i ŭ jakim farmacie.
Raniej abmien hramadzian Biełarusi ažyćciaŭlaŭsia ŭ miežach rasijska-ŭkrainskich abmienaŭ, što adbyvalisia na biełaruskaj terytoryi.
Ukrainski bok kožny raz źviartaŭ uvahu, što biełarusaŭ pieradavali Rasii, adnak viadomy prynamsi adzin fakt, kali pieradadzienaha pałonnaha — byłoha bajca Sił specapieracyj Biełarusi Maksima Ziaziulčyka paśla vyzvaleńnia z ukrainskaha pałonu asudzili pavodle artykułaŭ 133 i 356 Kryminalnaha kodeksa Biełarusi (najmictva i zdrada dziaržavie adpaviedna). Pakarańnie Ziaziulčyk adbyvaje ŭ papraŭčaj kałonii №17 u Škłovie (Mahiloŭskaja vobłaść).
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary