Łukašenka śledam za Trampam padsieŭ na kvašanuju kapustu

Naviedvajučy 14 žniŭnia fiermierskuju haspadarku Michaiła Šruba pad Turavam, Łukašenka raskazaŭ pra novy srodak dla pachudzieńnia. I choć pry hetym spasłaŭsia na pieradavy vopyt pažyłoha lidara rasijskich kamunistaŭ, jahonaja zacikaŭlenaść hetym praduktam dziŭnym čynam supała z novym trendam u administracyi prezidenta ZŠA Donalda Trampa.

Skrynšot ź videa

Abychodziačy razam ź Michaiłam Šrubam vystavu šmatlikaj pierapracavanaj pradukcyi, jakuju haspadarka pastaŭlaje na rynak, palityk asablivuju ŭvahu źviarnuŭ na kvašanuju kapustu i dzialiŭsia svaimi viedami pra jaje.

«Kali dva tydni — heta jašče nie kvašanaja. Kab jana ŭžo pastajała», — aŭtarytetna pavučaŭ Łukašenka fiermiera, nie dajučy jamu raskazać pra pradukcyju padrabiaźniej. Zatoje sam achvotna raskazaŭ historyju ź niadaŭniaha žyćcia.

«Heta ŭ mianie byŭ Hienadź Andrejevič Ziuhanaŭ — chudzieńki, jamu 83 hady, padciahnuty, voś jak ty. I jon mnie raskazaŭ: kvašanaja kapusta adzin raz na dzień paśla abiedu — abaviazkova. I ja ciapier šukaju hetuju kvašanuju kapustu. Ale pa-sapraŭdnamu kvašanuju».

Šrub u adkaz klaŭsia, što ichniaja kapusta akurat samaja što ni na jość sapraŭdnaja, heta nie toje, što inšyja mohuć jakoha vocatu dadać. «U nas jana kvasicca pa sapraŭdnych starych receptach», — zapeŭnivaŭ jon.

Raniej paviedamlałasia, što vice-prezident ZŠA Džej Dzi Vens prykmietna schudnieŭ paśla taho, jak pierajšoŭ na dyjetu z kvašanaj kapustaj i fiermientavanaj harodninaj. Hetym ža racyjonam zachapilisia i inšyja paplečniki Donalda Trampa. Naprykład, ministr achovy zdaroŭja Robiert Kienedzi-małodšy śćviardžaje, što za pieršy miesiac takoha charčavańnia straciŭ kala 9 kiłahramaŭ.

Kamientary da artykuła