Karajeŭ užo nabraŭ na Hrodzienščynie pieršy ŭzvod niadbajnych ahraryjaŭ
Na Hrodzienščynie płanujuć nakiravać u vojska niekalki dziasiatkaŭ rabotnikaŭ, jakija kiepska prajavili siabie padčas žniva. Pra heta paviedamiŭ staršynia Hrodzienskaha abłvykankama Juryj Karajeŭ.
Pa słovach Juryja Karajeva, u Hrodzienskaj vobłaści naličyli kala 20—30 čałaviek, jakich padazrajuć u kradziažach abo niadobrasumlennym vykanańni svaich abaviazkaŭ padčas uboračnaj kampanii. Karajeŭ žartam adznačyŭ, što ź ich užo možna «sabrać uzvod».
Jon rastłumačyŭ, što havorka idzie pra ludziej, jakija, zamiest taho kab pracavać na ahulny vynik, nibyta sprabavali atrymać asabistuju vyhadu abo vyrašyć ułasnyja pytańni. Siarod mahčymych parušeńniaŭ nazyvalisia kradziažy dyzielnaha paliva, bienzinu, srodkaŭ dla apracoŭki raślin i kambikormu.
Jak paviedamiŭ kiraŭnik Hrodzienskaj vobłaści, hetych rabotnikaŭ adabrali vajenkamaty i milicyja na padstavie chadajnictvaŭ staršyniaŭ rajvykankamaŭ i kiraŭnikoŭ sielskahaspadarčych pradpryjemstvaŭ. Ciapier budzie vyznačacca, da jakoj słužby kožny ź ich prydatny.
Pavodle słoŭ Karajeva, tych, chto prydatny da słužby sa zbrojaj, mohuć nakiravać, jak raniej i patrabavaŭ Alaksandr Łukašenka, bližej da paŭdniovaj miažy Biełarusi. Inšych płanujuć vykarystoŭvać u inžyniernych padraździaleńniach dla vykanańnia abaronnych rabot — pieranosić špały, kapać, układvać rejki abo zajmacca budaŭnictvam daroh.
Kiraŭnik Hrodzienskaha abłvykankama vykazaŭ mierkavańnie, što, maŭlaŭ, takaja słužba dapamoža hetym ludziam acanić roźnicu pamiž pracaj u sielskaj haspadarcy i armiejskimi ŭmovami, paśla čaho jany zmohuć viarnucca na pracu i padzialicca svaim dośviedam z kalehami.
22 lipienia padčas narady, pryśviečanaj žnivu, Łukašenka, zakranajučy prablemu pracoŭnaj dyscypliny va ŭmovach deficytu kadraŭ, zajaviŭ, što zamiest prymianieńnia inšych mier uździejańnia tych, «chto nie ŭmieje pracavać», varta nakiroŭvać u vojska i na paŭdniovuju miažu krainy. Paśla hetaha čynoŭniki roznych ranhaŭ pa ŭsioj krainie kinulisia vykonvać hety zahad ci prynamsi starajucca pakazać, što jon vykonvajecca.
Valfovič pra ideju adpraŭlać ahraryjaŭ-niedarek u vojska: Heta budzie spryjać uborcy chleba
Kruty: Vajskovyja zbory dla niadbajnych ahraryjaŭ buduć doŭžycca 2‑3 miesiacy
Chrenin raskazaŭ, jak budzie vykonvacca zahad Łukašenki ab adpraŭcy ahraryjaŭ-niedarek u vojska
Łukašenka rasparadziŭsia adpraŭlać u armiju ŭsich, chto nie ŭmieje pracavać padčas žniva
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ5
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
Moža banda)