U Biełarusi zabaranili handlavać «cublami»
U Biełarusi zabaranili prodaž suvienirnych banknot, jakija svaim vyhladam zanadta nahadvajuć sapraŭdnyja biełaruskija hrošy, paviedamlaje pres-słužba Hienieralnaj prakuratury.
Fota ilustracyjnaje
Prakuratura Leninskaha rajona Minska vyjaviła vypadki, kali takimi suvienirnymi kupiurami naminałam 10 i 20 «cubloŭ» ludzi raźličvalisia za tavary ŭ kramach. U vyniku handlovyja abjekty nieśli finansavyja straty.
Prablemu vyjavili padčas vyvučeńnia materyjałaŭ spraŭ ab drobnych kradziažach. Vyśvietliłasia, što źniešniaje afarmleńnie suvienirnych banknot było vielmi padobnym da sapraŭdnych biełaruskich hrošaj.
Padčas pravierki ŭstanavili, što vyjavy byli naniesienyja na abodva baki papiarovych kupiur, a ich pamiery adpaviadali pamieram sapraŭdnych banknot. Heta supiarečyć patrabavańniam biełaruskaha zakanadaŭstva.
Akramia taho, u internecie znajšli prapanovy ab prodažy takich suvienirnych vyrabaŭ. Prakuratura vyniesła ŭładalniku adnoj z anłajn-placovak pradpisańnie spynić ich prodaž. Paśla hetaha niezakonnyja abjavy byli vydalenyja.
Čytajcie taksama:
MUS choča zabaranić «dubli», «cubli» i inšyja suvienirnyja hrošy
Milicyja zaklikała žycharoŭ Maładziečanščyny być pilnymi z hrašyma, bo jość šmat falšyvak