Alena adpačyvała ŭ Francyi i nabyła tam banknotu €0. Na kupiury jość usie sapraŭdnyja elemienty abarony: vadzianyja znaki, hałahrama, sieryjny numar, piša Myfin.
Nulavyja kupiury źjavilisia ŭ 2015 hodzie. Ich prydumaŭ francuzski pradprymalnik Ryšar Fajl.
Pavodle jaho zadumy, turystyčnyja abjekty mohuć atrymlivać takija banknoty z vyjavaj słavutaści i pradavać ich jak suvieniry. Naprykład, u Aleny na kupiury adlustravany frahmient palealityčnaha naskalnaha žyvapisu. Taja banknota pryśviečana archieałahičnamu pomniku — piačory Kaskie ŭ Francyi.
Što cikava, kupiury drukuje francuzskaja kampanija Oberthur Technologies — adzin z aficyjnych partnioraŭ Jeŭrapiejskaha centralnaha banka pa vytvorčaści jeŭra.
Ich vyrablajuć pa licenzii European Central Bank z 2015 hoda na toj ža bavaŭnianaj papiery, što i sapraŭdnyja hrošy.
Adzinaje, čym adroźnivajucca suvienirnyja kupiury, — nulavy naminał.
Što rabić z €0
Viadoma, raspłačvacca takimi kupiurami nielha. Ale jość varyjanty, jak na ich zarabić.
Nulavyja jeŭra vypuskajucca nievialikimi tyražami (3—10 tysiač), što robić ich cikavymi dla kalekcyjanieraŭ. Adnak popyt mocna zaležyć ad taho, što na ich adlustravana i jakuju słavutaść jany pradstaŭlajuć.
Banknota da hadaviny adkryćcia muzieja ŭ maleńkim horadzie moža zastacca niezaŭvažanaj. A kupiury z Marksam, Mocartam abo Haŭdzi pryciahvajuć značna bolš uvahi.
Suvienirnyja jeŭra možna znajści ŭ numizmatyčnych supolnaściach, na eBay i navat na Kufar. Naprykład, za takuju ž kupiuru, jak u Aleny, na eBay prosiać €6.
Redkija vypuski možna pradać za €20—30.
Ciapier čytajuć
U Biełarusi aryštavali francuzskaha adstaŭnoha vajskoŭca, jaki zachaplajecca ciahnikami. Užo try miesiacy jon u SIZA1
Kamientary