Milicyja zaklikała žycharoŭ Maładziečanščyny być pilnymi z hrašyma, bo jość šmat falšyvak
Na terytoryi Maładziečanskaha rajona nieadnarazova ŭstanaŭlivalisia fakty zbytu banknotapadobnych vyrabaŭ, jakija majuć padabienstva z sapraŭdnymi hrašovymi znakami Nacbanka, paviedamlaje abłasnaja milicyja.
Takija kupiury vonkava anałahičnyja sapraŭdnym kupiuram, adpaviadajuć im pa pamiery, ale majuć nadpisy: «dubloŭ», «cubloŭ», «Souvenir money of Belarus», «Biłdiet banka prykołaŭ», «Nie źjaŭlajecca płaciežnym srodkam» i inšyja.
Tak, z pačatku 2025 hoda ŭ Maładziečanskim RAUS zafiksavana 18 faktaŭ, źviazanych sa zbytam banknotapadobnych vyrabaŭ, što nie źjaŭlajucca płaciežnym srodkam.
Padobnaje dziejańnie kvalifikujecca jak machlarstva i karajecca pazbaŭleńniem voli da 3 hadoŭ.
Niaredkija vypadki pradstaŭleńnia dla abmienu ŭ bankaŭskija ŭstanovy suvienirnych kupiur, što majuć padabienstva z sapraŭdnymi hrašovymi srodkami. Adnak u ich isnuje admietnaja rysa: nadpis «nie źjaŭlajecca płaciežnym srodkam». U suviazi z hetym zaklikajem hramadzian być uvažlivymi i źviartać uvahu na kupiury, jakimi ažyćciaŭlajecca raźlik u handlovych abjektach i jakija pradstaŭlajucca dla abmienu ŭ bankaŭskija ŭstanovy, havorycca ŭ paviedamleńni milicyi.
U milicyi nahadvajuć pradaŭca ab adkaznaści za nievykanańnie patrabavańniaŭ zakanadaŭstva pa ažyćciaŭleńni pravierki najaŭnych hrašovych srodkaŭ. Pavodle artykuła 12.5 KaAP RB nievykanańnie indyvidualnym pradprymalnikam abo kasiram, inšym rabotnikam jurydyčnaj asoby patrabavańniaŭ zakanadaŭstva pa ažyćciaŭleńni pravierki najaŭnych hrašovych srodkaŭ na sapraŭdnaść i płaciežnaść ciahnie nakładańnie štrafu da troch bazavych vieličyń (126 rubloŭ).
Kamientary