MUS choča zabaranić «dubli», «cubli» i inšyja suvienirnyja hrošy
U Biełarusi pačaścilisia vypadki raźliku suvienirnymi banknotami ŭ kramach i taksi.
MUS inicyjavała zabaronu na prodaž suvienirnych hrošaj. Usio z-za rostu kolkaści vypadkaŭ raźliku banknotapadobnymi vyrabami pry kupli tavaraŭ i pasłuh.
Pa źviestkach milicyi, za paŭhoda zarehistravana 340 vypadkaŭ zbytu takoj pradukcyi. 132 ź ich skłali banknatapadobnyja vyraby, jakija pierajmajuć vyhlad biełaruskich rubloŭ.
Havorka idzie pra tak zvanyja «dubli» i «cubli». Takija suvienirnyja banknoty vyhladajuć jak biełaruskija rubli. Voś tolki na banknocie napisana nie «100 rubloŭ», a «100 dubloŭ». I vyrableny jany z tannaj papiery.
U MUS adznačajuć, što kasiry časta nie praviarajuć sapraŭdnaść banknot. Za heta, darečy, praduhledžana administracyjnaja adkaznaść.
U 2024 hodzie ŭ dačynieńni da asob, jakija ŭśviedamlali, što raźličvajucca suvienirnymi rublami, uzbudžany dźvie kryminalnyja spravy za machlarstva, jašče dvoje hramadzian pryciahnuty da administracyjnaj adkaznaści za drobny kradziež.
Ciapier MUS choča zabaranić prodaž suvienirnych hrošaj na terytoryi Biełarusi. Ci havorka idzie tolki pra padobnyja na biełaruskija rubli, ci pra ŭsie vidy takich «banknotaŭ», pakul nieviadoma.
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!55
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1010
Kamientary