Mužčyna ŭ Asipovičach pryjšoŭ zdavać u bank bolš za 49 tysiač dalaraŭ. Kasir vyjaviła padazronyja kupiury.
Kasir banka pravieryła hrošy, i akazałasia, što z 500 kupiur 67 vyklikajuć padazreńni. Usie sumnieŭnyja banknoty byli naminałam 100 dalaraŭ.
Klijent rastłumačyŭ, što raniej zachoŭvaŭ źbieražeńni na valutnym rachunku, potym źniaŭ ich i trymaŭ doma, a praź niekalki miesiacaŭ znoŭ prynios tyja ž hrošy ŭ bank. Padazronyja kupiury adpravili na ekśpiertyzu.
Jak paviedamlaje Dziaržkamitet sudovych ekśpiertyz, vyznačana, što ŭsie banknoty nie majuć adnosin da sapraŭdnych dalaraŭ i byli vyrableny z dapamohaj afsietnaha druku.
Śledčyja ŭstanavili, što da historyi z padroblenymi hrašyma maje dačynieńnie 25-hadovy syn asipaŭčanina. Jon uziaŭ u svajho baćki 6700 dalaraŭ, a kab schavać źniknieńnie, zamiest sapraŭdnych banknot pakłaŭ suvienirnyja hrošy.
Suprać maładoha čałavieka zaviali kryminalnuju spravu pavodle č. 3 art. 205 KK «Kradziež, ździejśnieny ŭ bujnym pamiery».
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom16
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary