Baćka Mikoły Statkieviča adznačyŭ 88-hodździe
19 studzienia hramadskija aktyvisty z Baranavič i žurnalisty haziety Intex-press pavinšavali Viktara Paŭłaviča Statkieviča, baćku palitviaźnia i kandydata ŭ prezidenty RB Mikałaja Statkieviča, z dniom narodzinaŭ.
Były kandydat u prezidenty Biełarusi Mikałaj Statkievič užo niekalki hod znachodzicca za kratami. U mai 2011 hoda jon byŭ asudžany da 6 hod pazbaŭleńnia voli. Uvieś hety čas jaho ciarpliva čakajuć ź niavoli baćka, svajaki i siabry.
Miž tym baćku palitviaźnia Viktaru Statkieviču ŭžo niedaloka i da 90 hadoŭ i jon usio čaściej vykazvaje sumnieńni – ci ŭdasca dačakacca syna ź niavoli.
Atrymaŭ u paniadziełak vinšavańni Viktar Statkievič ad syna — užo sa Škłoŭskaj kałonii №17, dzie ciapier znachodzicca Mikoła (tudy jaho dniami pieraviali z Mahiloŭskaj turmy №4).
«Jon ža tam byŭ, jaho tam viedajuć, – havoryć baćka palitviaźnia. – A napisać, akramia vinšavańnia, jon moža niašmat, inakš list nie prapuściać».
Adnak navat karotkaje piśmo ad syna — samy najlepšy padarunak da dnia narodzinaŭ. Akramia vinšavańniaŭ u liście Mikałaja Statkieviča słovy padtrymki, spadziavańnia, što baćka dačakajecca jaho, a ŭ kancy niekatorych radkoŭ – smajliki.
Ciapier čytajuć
Biełaruskaha Siniuju Baradu adpuścili z rasijskaj turmy pamirać doma6
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary