Łukašenka zajaviŭ, što Biełarusi nie chapaje sistemy kiravańnia savieckich časoŭ
U jakaści stanoŭčaha prykładu krainy, jakaja žyvie z aporaj na dośvied kampartyi, jon nazvaŭ Kitaj.
U Biełarusi nie chapaje toj sistemy kiravańnia, jakaja była ŭ savieckija časy. Takuju dumku vykazaŭ Alaksandr Łukašenka padčas rabočaj pajezdki ŭ Vilejski rajon, piša BiełTA.
«Nie mahu pachvalicca, što partyja (Kamunistyčnaja partyja) adyhrała vyrašalnuju rolu ŭ maim žyćci. Usiaho chapała.
Ale mušu skazać — mahčyma, dla kahości z vas, asabliva dla moładzi, heta prahučyć niepapularna, — siońnia krainie jakraz nie chapaje toj sistemy kiravańnia, jakaja kaliści isnavała ŭ Savieckim Sajuzie», — zajaviŭ Alaksandr Łukašenka.
«Tamu heta i zadača, i nastalhija. Majo ćviordaje pierakanańnie, što nam nie chapaje toj sistemy kiravańnia», — dadaŭ jon.
«Ja adčuvaju heta najbolš. I kožny, chto pieražyvaje za dziaržavu, taksama heta adčuvaje. Heta nie siońniašnija i nie ŭčarašnija maje adčuvańni, — skazaŭ Łukašenka. — Prapracavaŭšy ŭžo vielmi doŭha prezidentam, ja jak nichto inšy adčuvaju, što nie chapaje hetaj sistemy dziaržaŭnaha kiravańnia. Nie chapaje surjoznaj kadravaj raboty. Jak by ja ni sprabavaŭ vybudavać viertykal ułady i inšaje (heta było i zastajecca vyratavańniem dla krainy), usio ž taki nie chapaje struktury».
U jakaści stanoŭčaha prykładu krainy, jakaja, abapirajučysia na vopyt Kamunistyčnaj partyi i zachoŭvajučy jaje spadčynu i dziaržaŭnuju sistemu kiravańnia, paśpiachova raźvivajecca, Alaksandr Łukašenka nazvaŭ Kitaj.
«Mianie časta krytykavali za toje, što my vyvučajem vopyt i sistemu kiravańnia KNR. Dyk voś, jany zduru ničoha nie łamali. Jany vučylisia ŭ nas, šmat u čym dziejničali padobnym čynam. Nie chaču skazać, što kapiravali, ale razumnaje brali dla siabie.
Ničoha nie łamali: ni ideałohiju, ni palityku Maa Czeduna, Den Siaopina i hetak dalej. Nichto ničoha nie razburaŭ. Mahčyma, u hetym i kryjecca adna z pryčyn pośpiechu KNR», — skazaŭ jon.
«Prapanuju vam nad hetym padumać, — źviarnuŭsia jon da ŭdzielnikaŭ narady. — Viedaju, što vam hetaha nie chočacca. Navošta vam hetyja partyjnyja orhany, jakija buduć zajmacca kadrami, i partbiuro, kudy treba chadzić?.. Vy ž užo adnaasobna kirujecie (na miescach). Ale kali hladzieć ź dziaržaŭnaha punktu hledžańnia, sistemu daviadziecca vybudoŭvać i naładžvać».
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy9
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary
Naviernoje, odna iz pričin uśpiecha KNR krojetsia v tom, čto tam 2 miljarda ludiej.