Łukašenka papraknuŭ Tapuzidzisa za chamon u kramach i zahadaŭ pravieryć usie handlovyja sietki
«Jany ž u nas rynačnikami stali ŭ momant, samymi bahatymi ludźmi. I zabyvajuć, što ŭ sarakahradusnuju śpioku ŭ kambajnie siadzić zvyčajny čałaviek, sielanin».
Alaksandr Łukašenka na naradzie ŭ Vilejskim rajonie prajšoŭsia pa asartymiencie ŭ handlovych sietkach. Na naradzie byŭ i ŭładalnik handlovaj sietki «Karona» Pavieł Tapuzidzis.
«Ja razumieju, što niepapularny ciapier u Tapuzidzisa i jaho kaleh ź sietak. Jany ž u nas rynačnikami stali ŭ momant, samymi bahatymi ludźmi. I zabyvajuć, što ŭ sarakahradusnuju śpioku ŭ kambajnie siadzić zvyčajny čałaviek, sielanin.
Ludzi, pra jakich my kažam, nie patrabujuć ad nas impartnaha. Jany nie patrabujuć ispanski chamon. Patrabujuć zvyčajnaje miasa zavieźci [u kramy na vioscy], małočnyja pradukty. Ale kab śviežyja, narmalnyja. Treba narmalny chleb zavieźci», — cytuje Łukašenku BiełTA.
«Biełaruskaje — toje, što my vyrablajem, — pavinna być. I kropka!» — zapatrabavaŭ jon.
Ministr antymanapolnaha rehulavańnia i handlu Artur Karpovič paviedamiŭ, što za hod z handlovymi sietkami, vytvorcami zaklučana kala tysiačy pahadnieńniaŭ pa prasoŭvańni ajčynnych tavaraŭ.
Adnak u Kamitecie dziaržkantrolu ličać, što da hetych pahadnieńniaŭ handlovyja sietki padyšli farmalna i pradajuć šmat impartnych tavaraŭ.
Łukašenka daručyŭ kiraŭnictvu Administracyi i KDK pravieści pravierku.
«Heta pavinna być apošniaja razmova. Papiaredžvaju vas usich i kiraŭnikoŭ sietak».
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary