Minskim Šabanam pryśviacili modnuju kalekcyju: dzie kupić i što pa cenach?
Stvaralniki prajekta admovilisia ad paradnaha dyzajnu i zrabili staŭku na novuju haradskuju ramantyku — šeryja panielki, pramysłovyja piejzažy i sapraŭdny kałaryt spalnaha rajona.
Minski pramysłovy mikrarajon Šabany atrymaŭ ułasnuju kapsułu adzieńnia i aksiesuaraŭ ad sietki «Ofistan Markiet».
Padstavaj dla vypusku stała adkryćcio novaha mahazina sietki ŭ HC MOMO kala stancyi mietro «Mahiloŭskaja». Pavodle aŭtaraŭ idei, Šabany — heta miascovy miem i «astravok realnaści», jaki daŭno zasłužyŭ pieraasensavańnie svajoj surovaj reputacyi.
«U kožnym horadzie jość miescy, jakija traplajuć na paštoŭki. I jość tyja, jakija stanoviacca łakalnymi miemami. U Minsku heta, viadoma, Šabany. Rajon, pra jaki viedajuć navat tyja, chto nikoli tam nie byŭ. Rajon, pra jaki prydumana stolki žartaŭ, mifaŭ i lehiend, što jany daŭno žyvuć ułasnym žyćciom. Ale kali adkinuć uvieś hety falkłor, z Šabanami zastaniecca zusim inšaja historyja — tak, pramysłovaja ŭskraina, šeryja panielki, šyrokija darohi, ale — dvary, u jakich vyraśli tysiačy minčan, i całkam asablivaja estetyka, jakuju siońnia ŭsio čaściej nazyvajuć novaj haradskoj ramantykaj», — tłumačyć «Ofistan Markiet».
U liniejku ŭvajšli futbołki, biejsbołki, stykiery, branzalety, mahnity z tematyčnymi pryntami, pryśviečanymi vulicy Sialickaha i industryjalnym krajavidam.
Futbołka z novaj kalekcyi kaštuje 44 rubli, biejsbołka — 24 rubli, a ceny na birulki pačynajucca ad 8 rubloŭ.
Stykiery abyducca ŭ 8,4 rubla, mahnit — u 6 rubloŭ, a branzalet — u 4,5 rubla.
-
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
-
Andruś Biezdar, jaki vyjšaŭ ź SIZA, raskazaŭ, jak jaho sprava ciapier i što budzie dalej
-
Syn departavanaha sałdata armii Andersa z-pad Navahrudka adsudziŭ $180 tysiač za pakuty baćki ŭ savieckim łahiery
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu5
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary