U subotu, 30 sakavika, adbyłosia ŭručeńnie rasijskaj Nacyjanalnaj kiniematahrafičnaj premii «Nika» za 2018 hod.
Najlepšym filmam pryznany «Vajna Hanny» (režysior Alaksiej Fiadorčanka) pra žyćcio habrejskaj dziaŭčynki, jakaja vyžyvaje ŭ akupavanaj nacystami Ukrainie.
Aŭtarami najlepšaj muzyki pryznanyja Leanid Dziasiatnikaŭ i Alaksiej Siarhunin za film «Van Hohi» z Danielem Albrychskim u hałoŭnaj roli.
«Najlepšaja mužčynskaja rola» ŭ Alaksieja Sieriebriakova ŭ filmie «Van Hohi». Najlepšaja žanočaja — u Marty Kazłovaj u filmie «Vajna Hanny».
«Kryštal» biełaruskaj režysiorki Darji Žuk pryznany najlepšym u naminacyi «Najlepšy film krain SND, Hruzii i Bałtyi».
Najlepšym animacyjnym filmam pryznany «Viedaješ, mama, dzie ja byŭ?» źniaty Levanam Habryjadzie pavodle dziciačych uspaminaŭ i malunkaŭ jaho baćki, dyrektara Teatra maryjanietak Rezo Habryjadzie.
«Najlepšy nieihravy film» — «Paradžanaŭ. Tarkoŭski. Ancipienka. Śviatłacieni» (režysior Andrej Osipaŭ).
Premija ŭ naminacyi «Honar i hodnaść» imia Eldara Razanava ŭručana kinarežysioru Ataru Iiasieliani.
Kamientary