Leanid Jakubovič źniaŭ dakumientalny film pra žanočy avijacyjny połk, što vyzvalaŭ Biełaruś
Prezientacyja historyka-dakumientalnaha filma «Niezabudki. Bieśśmiarotny avijapołk», pryśviečanaha frantavomu žyćciu žanočaha 46-ha avijacyjnaha pałka, jaki prymaŭ udzieł u vyzvaleńni Biełarusi ad niamieckich zachopnikaŭ, adbyłasia na aeradromie Lipki Minskaha rajona, piša BIEŁTA.
Heta film u dźviuch sieryjach pa sorak chvilin kožnaja. Jaho aŭtaram i scenarystam vystupiŭ Leanid Jakubovič. 46-y avijacyjny połk składaŭsia vyklučna z žančyn, jakija latali na samalocie Po-2. I pierš čym pačać zdymki stužki, nieabchodna było stvaryć takuju mašynu. Jak adznačyŭ načalnik Minskaha aerakłuba DTSAAF Mikałaj Mačanski, aparat stvorany ŭ supracoŭnictvie sa śpiecyjalistami Charkaŭskaha avijacyjnaha instytuta.
«Heta rabota praciahvałasia 5 hadoŭ, potym hod vyprabavalnaj raboty, i ŭ pazaminułym hodzie samalot svaim chodam prylacieŭ u Biełaruś», - raskazaŭ jon.
Karcina była źniata za dva miesiacy. «Za paŭhoda my jaje zmanciravali, i jana ŭžo ŭ prakacie ŭ Rasii, a taksama dastupnaja na YouTube. Hety samalot budzie znachodzicca tut, my budziem latać na im, pakazvać jaho moładzi. Po-2 - składany samalot, ale na im latali dziaŭčaty 18, 20, 22 hadoŭ. Kiravać im nočču biez pryboraŭ suviazi, kidać bomby - heta hieraičnaja praca. U sučasnaj moładzi jość mahčymaść ubačyć hety aparat, pamacać», - adznačyŭ Mikałaj Mačanski.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary