Syn ministra adukacyi razyšoŭsia z žonkaj. Bo jon za čyrvona-zialonych, a jana — za bieł-čyrvona-biełych
Syn ministra adukacyi Alaksiej Karpienka razyšoŭsia z žonkaj Julijaj. Pryčyna: roznyja palityčnyja pohlady ŭ siamji.
Jašče ŭ 2019 hodzie na vybary ŭ Pałatu pradstaŭnikoŭ ščaślivaja siamja daterminova išła na vybary ŭ poŭnym składzie: ministr Ihar Karpienka, syn Loša, niaviestka i ŭnučka.
Ale vybary-2020 stali kropkaj niezvarotu. Niaviestka Jula asudziła falsifikacyi i hvałt u dačynieńni da mirnych pratestoŭcaŭ, a jaje muž Loša z baćkam adstojvali prałukašenkaŭskuju pazicyju.
Julija navat syšła ź dziaržaŭnaha telebačańnia: jana raniej pracavała na BT. Paśla pačała pisać i zdymać dla prajekta «Imiony». Žyć pad adnym dacham z takimi roznymi ŭjaŭleńniami pra heta žyćcio para nie zmahła. Praŭda, nieviadoma, ci padali jany na razvod.
Razychodžańnie ŭ pohladach maładych prajaviłasia navat u sacyjalnych sietkach, kali Alaksiej «prylapiŭ» da avatarki nalepku z čyrvona-zalonym ściaham, a Julija — ź bieł-čyrvona-biełym.
«Naša Niva» sprabavała atrymać kamientar u siamji Karpienkaŭ pa temie siamiejnaha kanfliktu. Ni Alaksiej, ni jaho baćka nie adkazali na zvanki. A paśla paviedamleńniaŭ u sacyjalnych sietkach Alaksiej uvohule vydaliŭ svaje staronki ŭ fejsbuku i instahramie.
Julija taksama publična nie kamientuje situacyju. Ci zmohuć maładyja syścisia znoŭ i ŭrehulavać kanflikt, nieviadoma.
Heta ŭžo nie pieršy razład u siamji praź situacyju ŭ krainie. Nie tak daŭno my pisali pra śpiecnazaŭca, ad jakoha syšła žonka, jakaja stała achviaraj ckavańnia.
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała33
Kamientary