Biazdomny ź Minska, jaki adsiedzieŭ 130 sutak za «niesankcyjanavanaje pikietavańnie», ciapier pad kryminałkaj
U Śledčym kamitecie zajavili, što ŭzbudzili dźvie spravy pavodle artykuła 342-2 Kryminalnaha kodeksa za «nieadnarazovaje parušeńnie paradku praviadzieńnia masavych mierapryjemstvaŭ». Heta pieršyja viadomyja vypadki prymianieńnia hetaha artykuła paśla taho, jak uletku hetaha hoda byli ŭniesienyja źmieny ŭ Kryminalny kodeks.
Ciapier hety artykuł praduhledžvaje adkaznaść u vyhladzie aryštu, abmiežavańnia ci pazbaŭleńnia voli terminam do troch hadoŭ.
Choć Śledčy kamitet pakul nie nazyvaje imion i proźviščaŭ abvinavačanych, pad apisańnie adnaho ź ich całkam padychodzić 59-hadovy biazdomny ź Minska Alaksandr Kutas, jakoha ŭ hetym hodzie ŭžo 10 razoŭ kidali na «sutki» pa art. 24.23 KaAP (niesankcyjanavanaje pikietavańnie). Na Akreścina Kutas pravioŭ minimum 130 sutak aryštu. A dahetul jon adbyŭ 22 hady ŭ miescach pazbaŭleńnia voli.
Zvyčajnaje miesca zatrymańnia Alaksandra — stancyja mietro «Kamiennaja Horka». Pratakoły na jaho składalisia za płakaty, na jakich zvyčajna byŭ namalavany ściah BSSR i napisanyja prośby ab dapamozie. Ale adnojčy jaho zatrymali za BČB-płakat z nadpisam: «Viarnicie mnie dziacinstva, junactva mnie viarnicie, i pieršaje kachańnie. Dapamažycie zabyć łahiera i niachaj žyvie Narodnaja Respublika Biełaruś».
U Biełarusi siłaviki časta padsažvajuć biazdomnych ludziej da «palityčnych» aryštantaŭ, kab pahoršyć umovy ich utrymańnia. Jak praviła, u ich vošy i inšyja prablemy z hihijenaj, časam psichičnyja zachvorvańni. Ale, pa śviedčańniach sukamiernikaŭ Kutasa, Alaksandr tut vyklučeńnie. Jon vielmi akuratny, a pierad snom navat čytaŭ im svaje ŭłasnyja vieršy.
Pravaabaroncy ŭžo adznačyli, što ŭ suviazi ź pieraśledam pa novym kryminalnym artykule Alaksandr Kutas budzie pryznany palitźniavolenym: palityčnyja padstavy jaho pieraśledu vidavočnyja.
Druhaja kryminalnaja sprava pa hetym artykule zaviedziena na 48-hadovuju žančynu. Jaje miescaznachodžańnie ciapier vyśviatlajecca.
Biazdomny ź Minska ŭžo adbyŭ kala 80 sutak. Učora jaho aryštavali jašče na 20 za BČB-płakat
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary