Biazdomny ź Minska ŭžo adbyŭ kala 80 sutak. Učora jaho aryštavali jašče na 20 za BČB-płakat
17 maja 58-hadovy Alaksandr Kutas vyjšaŭ na volu paśla 25-sutačnaha aryštu. Minuły raz jaho zatrymali kala mietro «Malinaŭka» za toje, što jon pradavaŭ trusa z BČB-abrožkam.
Pra heta pravaabaroncam stała viadoma ad jaho sukamiernika.
Uviečary 23 maja Alaksandra znoŭ zatrymali, ale ŭžo kala mietro «Kamiennaja horka» za BČB-płakat. U Frunzienskim RUUSie na jaho skłali pratakoł pa art. 24.23 KaAP za niesankcyjanavanaje pikietavańnie i dadali jašče pratakoł pa art. 24.3 KaAP za admovu prajści ŭ słužbovy aŭtamabil.
Spravaj Kutasa zajmałasia sudździa Frunzienskaha rajona Maryja Jarochina. Pieršy sud adbyŭsia 24 traŭnia, ale sudździa viarnuła spravu pa dvuch artykułach u RUUS «na dapracoŭku».
Pa słovach Kutasa, BČB-płakat jamu dali ludzi. Sudździa cikaviłasia, ci šmat ludziej prachodziła mima płakata i ci davali jamu za heta hrošy. U materyjałach spravy taksama byŭ fotazdymak Kutasa razam z płakatam. Na BČB-płakacie Alaksandra było napisana: «Viarnicie mnie dziacinstva, junactva mnie viarnicie, i pieršaje kachańnie. Dapamažycie zabyć łahiera, i niachaj žyvie Narodnaja Respublika Biełaruś».
25 traŭnia sudździa praciahnuła razhlad spravy. Jana pryznała Alaksandra vinavatym pa dvuch artykułach KaAP i aryštavała jaho na čarhovyja 20 sutak aryštu.
-
Lidar litoŭskich kansiervataraŭ prapanuje abaviazać zamiežnikaŭ vučyć litoŭskuju dla padaŭžeńnia DNŽ
-
Pamiatajecie dziaŭčynu, jakaja płanavała pajechać na «Mis Suśviet», a jaje aryštavali? Jana ŭžo na svabodzie
-
Skraŭ $2500 i źnik. Machlar padmanuŭ bolš za 30 faundaraŭ pa ŭsim śviecie — siarod ich jość i biełarusy
Kamientary