Mienavita hetymi rakietami rasijskija vojski nanieśli ŭdar pa vakzale ŭ Kramatorsku na minułym tydni. Raniej ukraincy z dapamohaj jaho źniščyli desantny karabiel «Sarataŭ» u Biardziansku. Raskazvajem padrabiaźniej, što saboj ujaŭlaje «Točka-U».
Ctvarenne rakietnaha kompleksu «Točka» pačałosia jašče ŭ 1968 hodzie. Jon raspracoŭvaŭsia dla źniščeńnia važnych abjektaŭ u tyle voraha. Na ŭzbrajeńnie ŭ savieckuju armiju hetaja zbroja trapiła ŭ 1976 hodzie. Tady rakieta mieła dalokaść tolki 70 km.
Naprykancy isnavańnia SSSR vojska atrymała madernizavany rakietny kompleks, jaki i atrymaŭ nazvu «Točka-U». Dalokaść palotu rakiet pavialičyłasia da 120 km, palepšała i dakładnaść — adchileńnie ad celi nie pieravyšała sta mietraŭ. Dla paraŭnańnia, charaktarystyki «Iskanderaŭ» — dalokaść 500 km i mahčymaje adchileńnie 30 mietraŭ.
Kompleks dastatkova mabilny, pa darohach moža pierasoŭvacca z chutkaściu da 70 km/h. Kołavaja baza 6ch6 robić mahčymym ruch pa-za darohami. Upieršyniu hetaja zbroja prymianiałasia ŭ 1994 hodzie padčas hramadzianskaj vajny ŭ Jemienie. Rasija vykarystoŭvała «Točku-U» padčas vajny ŭ Čačni. Zbroja taksama ŭžyvałasia ŭ azierbajdžana-armianskim kanflikcie i vojskami Asada ŭ Siryi.
Na siońnia hetyja ŭžo sastarełyja rakietnyja kompleksy na ŭzbrajeńni majuć Biełaruś, Armienija, Azierbajdžan, Bałharyja, Jemien, Kazachstan, Siryja i Ukraina. Amierykanski Instytut pa vyvučeńni vajny (analityčny centr) śćviardžaje, što 8-aja ahulnavajskovaja armija ŭzbrojenych sił RF, jakaja dziejničaje na Danbasie, taksama vykarystoŭvaje hetuju zbroju.
Takaja nieabchodnaść mahła ŭźniknuć u suviazi z vyčarpańniem dastupnych Rasii zapasaŭ balistyčnych i kryłatych rakiet.
Rakiety hetaha kompleksu z chutkaściu 1100 m/s mohuć nieści roznyja bajavyja častki — ad jadziernych, da 100 kT u tratyłavym ekvivalencie, da chimičnych. Najbolš raspaŭsiudžanyja rakiety — z kasietnaj i askiepkava-fuhasnaj bajavoj častkaj. Askiepkava-fuhasnaja bajavaja častka maje 162 kh vybuchoŭki i 14 500 hatovych askiepkaŭ, pry padlocie da celi rakieta źmianiaje trajektoryju i atakuje cel amal viertykalna, na vyšyni 20 mietraŭ adbyvajecca vybuch, jaki zabiaśpiečvaje paražeńnie abjektaŭ na płoščy da 3 hiektaraŭ.
Kasietnaja bajavaja častka składajecca z 50 subbojeprypasaŭ, kožny ź jakich utrymlivaje 1,5 kh vybuchoŭki i 316 askiepkaŭ y kožnym. Na vyšyni ŭ 2250 mietraŭ aŭtamatyka raskryvaje kasiety, u vyniku hetaha askiepkami paražajecca płošča da 7 hiektaraŭ.
Mienavita takoj rakietaj byŭ naniesieny ŭdar pa vakzale ŭ Kramatorsku na minułym tydni i pa Daniecku 14 sakavika. U abodvuch vypadkach aficyjnaja Maskva vinavaciła ŭkrainskich vajskoŭcaŭ i zapeŭnivała, što rakietnych kompleksaŭ «Točka-U» niama na ŭzbrajeńni rasijskaj armii. Śćviardžajecca, što maralna sastrarełyja kompleksy «Točka-U» ŭ rasijskich vajennych častkach byli zamienienyja na sučasnyja «Iskandery», adnak jašče ŭ lutym telekanał «Źviezda», zasnavalnikam jakoha źjaŭlajecca Ministerstva abarony RF, rapartavaŭ pra paśpiachovyja puski hetych rakiet rasijskimi i biełaruskimi vajskoŭcami padčas vučeńniaŭ na poŭdni Biełarusi.
U toj ža čas ukraincy taksama vykarystoŭvajuć «Točki-U». Tak, miarkujučy pa ŭsim, udaram «Točki-U» byŭ źniščany rasijski desantny karabiel «Sarataŭ» u porcie Biardzianska.
Rakietami byŭ atakavany čyhunačny vakzał Kramatorska. Na adnoj byŭ nadpis pa-rusku «Za dziaciej»
Rasija vykarystoŭvaje kasietnyja bojeprypasy va Ukrainie. Čamu jany takija niebiaśpiečnyja
Spuskajuć na parašutach. Mer Charkava zajaviŭ, što rasijanie prymianili ŭ horadzie novy vid snaradaŭ
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała33
Kamientary