«Učarašnija niezrazumiełyja pavodziny ŭ Kijevie prezidenta Dudy». Łukašenka na sustrečy z Pucinym absłuhoŭvaŭ rasijskuju prapahandu pa poŭnaj
Alaksandr Łukašenka i Uładzimir Pucin pačali pieramovy ŭ Sočy. U zajavie dla presy kiraŭnik Biełarusi paŭtaryŭ asnoŭnyja ŭstanoŭki rasijskaj prapahandy apošniaha tydnia: Polšča rychtujecca dałučyć Zachodniuju Ukrainu, a ekanomika Rasii niečakana dobra daje rady sankcyjam.
«Jość cikavyja niejkija rečy niečakana va Ukrainie. Vy heta vydatna viedajecie. Nas, dy i vas heta pavinna turbavać, što jany (palityki) užo robiać kroki da taho, kab raździalić Ukrainu», — zajaviŭ Łukašenka.
I, jak ja kazaŭ, jašče ŭkraincam daviadziecca nas prasić, kab my nie dapuścili adryvu hetaj zachodniaj častki i inšych častak ad Ukrainy. Heta maja takaja pazicyja, ale vy heta dakładna viedajecie», — skazaŭ Alaksandr Łukašenka.
Alaksandr Łukašenka nie pieršy raz za apošnija miesiacy hruba absłuhoŭvaje prapahandysckija zapyty Rasii. Raniej abjektam kpinaŭ u Biełarusi i Ukrainie stała jaho zajava ŭ Kramli «a ja vam pakažu, adkul na Biełaruś rychtavaŭsia napad, čatyry pazicyi».
Uładzimir Pucin padčas hetaj zajavy torhaŭ nahami i rukami, što charakterna dla jahonych pavodzin u apošni čas.
«Vielmi važna (vy niejak heta adznačali), što ekanomika ŭ Rasii i naohuł u nas u sajuzie nie prosta ŭmacoŭvajecca, a niečakana intensiŭna ŭmacoŭvajecca. Vaźmicie inflacyju, vaźmicie biespracoŭje. Jano akazałasia mienšym. Padaje ŭzrovień biespracoŭja. Heta dobra. Nu, i rubiel umacoŭvajecca šalonymi tempami. Kab my tut nie pierabrali. Tamu niečakanyja rečy adbyvajucca. Nu, heta dla ich niečakanyja. My ž čakali, što heta budzie. Heta čas mahčymaściaŭ. I jany (Zachad), sami nie razumiejučy taho, nas padšturchnuli zajmacca bolš intensiŭna svajoj ekanomikaj», — skazaŭ jon.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary