Viciebski vieteran nacyjanalnaha ruchu i sioleta padtrymaŭ 20‑hadovuju tradycyju
78‑hadovy Barys Chamajda napiaredadni Dziadoŭ praciahnuŭ tradycyju, jakuju padtrymlivaje ŭžo 20 hadoŭ. Jon naviedaŭ miesca stalinskich rasstrełaŭ kala vioski Palai pad Viciebskam, a taksama mahiły svaich paplečnikaŭ i adnadumcaŭ, jakija pajšli z žyćcia, piša «Viciebskaja viasna».
Tradycyja ŭźnikła ŭ 2006 hodzie paśla śmierci blizkaha siabra Chamajdy Uładzimira Pleščanki. Toj uznačalvaŭ viciebskuju arhanizacyju KCHP BNF i byŭ adnym ź pieršych palitviaźniaŭ u Biełarusi. Niekalki miesiacaŭ jon pravioŭ u śledčym izalatary: śledstva sprabavała dakazać, što apazicyjanier skraŭ biust Suvorava. Pleščanka pachavany na mohiłkach u vioscy Drukava Viciebskaha rajona. Adsiul Chamajda štohod pačynaje svoj žałobny maršrut.
Ź ciaham času, kali pamirali inšyja paplečniki aktyvista, maršrut rabiŭsia daŭžejšym. Chamajda naviedvaje taksama mohiłki kala vioski Kopci, dzie pachavanyja miascovyja partyjnyja dziejačy Siarhiej Ciarenćjeŭ, Raman Sałaŭjan, Aleś Mudryčenka, Alena Zaleskaja, žurnalist Uładzimir Žyhułoŭ i hramadski dziejač Iosif Navumčyk. Apošni šmat hadoŭ uznačalvaŭ abłasnuju radu Tavarystva biełaruskaj movy i pamior u lutym minułaha hoda.
Za dva dziesiacihodździ paminalnyja akcyi adbyvalisia ŭ roznych farmatach: časam Chamajda jeździŭ adzin abo ź niekalkimi siabrami, a časam davodziłasia zakazvać aŭtobus dla ŭsich achvotnych naviedać mahiły viciebskich apazicyjnych aktyvistaŭ. Adnojčy taki aŭtobus spynili pa darozie, a bolš za 30 čałaviek zatrymali i dastavili ŭ milicyju. Ich abvinavacili ŭ praviadzieńni niesankcyjanavanaj akcyi.
Apošnim punktam tradycyjna stanovicca miesca rasstrełaŭ achviar stalinskaha teroru kala vioski Palai, prykładna za siem kiłamietraŭ ad Viciebska. Tam ustalavany vialiki kryž u pamiać pra achviar tatalitarnaha režymu.
Jak paviedamiŭ Barys Chamajda ŭ fejsbuku, sioleta ŭdzielniki zapalili kala kryža łampadku i pamalilisia za Biełaruś i biełaruski narod.
Dzie i jak biełarusy na vyhnańni ŭšanujuć pamiać achviaraŭ «Nočy rasstralanych paetaŭ». Raskład mierapryjemstvaŭ
U Varšavie da Dziadoŭ zładziać biełaruski teatr-kancert
Lavon Volski: «Kali chto dumaje, što ź siońniašnimi spadkajemcami savieckich kataŭ dy zabojcaŭ možna pra niešta damaŭlacca, jon žorstka pamylajecca»
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach
Ciapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec121
Kamientary