Hrabienščykoŭ vystaviŭ na aukcyjon svaju kamizelku. Srodki pojduć muzykam Irdorath
U padtrymku palitźniavolenych muzykaŭ z hurta Irdorath lidar hurta «Akvaryum» Barys Hrabienščykoŭ vystaŭlaje na dabračynny aŭkcyjon svaju kamizelku. U joj jon vystupaŭ padčas kancertnaha tura 2005-2006 hadoŭ, paviedamlaje Biełaruskaja rada kultury.
«Kali ludziej sadziać u turmu za toje, što jany hrajuć muzyku na vulicy, heta značyć, što ŭ śviecie niešta vielmi nie tak. A heta značyć: kali možaš choć čymści dapamahčy — dapamažy», — kaža spadar Barys z nahody ŭdziełu ŭ dabračynnym aŭkcyjonie.
Usie srodki ad prodažu łota buduć skiravanyja na padtrymku palitźniavolenych muzykaŭ z hurta Irdorath.
Udzielnikaŭ hurta zatrymali 2 žniŭnia 2021 hoda na leciščy, ich abvinavacili va ŭdziele i arhanizacyi mierapryjemstvaŭ, što hruba parušajuć hramadski paradak (art. 342 KK), za vykanańnie muzyki i śpievy padčas maršaŭ pratestu ŭ žniŭni 2020-ha.
U śniežni 2021 hoda Nadzieja i Uładzimir Kałačy, lidary Irdorath, byli asudžanyja na hady dva kałonii kožny, a muzyki Piatro Marčanka, Julija Marčanka i Anton Šnip asudžanyja na 1,5 hoda kałonii ahulnaha režymu. Źmicier Šymanski pakinuŭ Biełaruś.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary