94 hady na ŭsich — vyniesieny dziki prysud pa spravie «Revalucyjnaha dziejańnia»
Sud 6 vieraśnia vynies prysud pravaabaroncy Marfie Rabkovaj i jašče dzieviaci čałaviekam.
Sudździa Minskaha haradskoha suda Siarhiej Chrypač prysudziŭ nastupnyja turemnyja terminy dziesiaci palitviaźniam, siarod jakich — pravaabaronca «Viasny» Marfa Rabkova.
— Alaksandr Franckievič — 17 hadoŭ;
— Akichira Hajeŭski-Chanada — 16 hadoŭ;
— Marfa Rabkova — 15 hadoŭ;
— Alaksiej Hałaŭko — 12 hadoŭ;
— Pavieł Špietny, Mikita Draniec, Alaksandr Kaźlanka, Andrej Čapiuk — pa 6 hadoŭ;
— Andrej Marač, Daniła Čul — pa 5 hadoŭ.
Chrypač prysudziŭ tyja ž terminy, jakija prasiŭ prakuror.
Palitviaźniaŭ sudzili pa 10 kryminalnych artykułach.
Zakryty sud pa hetaj hučnaj spravie išoŭ z krasavika, na łavie padsudnych apynulisia dziesiać palitźniavolenych — kaardynatarka vałanciorskaj słužby «Viasny» Marfa Rabkova, vałancior Andrej Čapiuk, palitźniavolenyja aktyvisty anarchisckaha ruchu Akichira Hajeŭski-Chanada, Alaksandr Franckievič, Alaksiej Hałaŭko, Alaksandr Kaźlanka, Pavieł Špietny, Mikita Draniec, Andrej Marač, Daniła Čul. Ahułam, u hetaj spravie fihurujuć 10 artykułaŭ Kryminalnaha kodeksa, a materyjały kryminalnaj spravy składajuć 160 tamoŭ.
Śledstva śćviardžaje, što z 2005 pa 2020 hod nieŭstanoŭlenyja asoby pry ŭdziele 31-hadovaha anarchista Alaksandra Franckieviča i 26-hadovaj pravaabaroncy Marfy Rabkovaj abjadnali «šerah arhanizavanych złačynnych hrup»: «Revalucyjnaje dziejańnie», «Narodnaja samaabarona» i «Rievolucijna dija». Hetyja abjadnańni, pa viersii śledstva, uvajšli ŭ skład «mižnarodnaj złačynnaj arhanizacyi» u jakaści jaje strukturnych padraździaleńniaŭ. Franckievič i Rabkova nibyta, jak śćviardžaje śledstva, byli arhanizatarami padpału padatkovaj inśpiekcyi Homielskaha rajona ŭ sakaviku 2017 hoda z vykarystańniem «kaktejlaŭ Mołatava».
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2020
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes20
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary