Prezident Rasii prakamientavaŭ apošnija śmiarotnyja ŭdary pa Ukrainie.
«Rasija naraściła ŭdary pa Ukrainie ŭ adkaz na ŭkrainskuju 40‑dzionnuju «apieracyju ŭpłyvu». USU nanosili masavanyja ŭdary pa rasijskich cyvilnych abjektach i łahistycy. Ale dla Ukrainy kančatkovy vynik byŭ prosta supraćlehłym čakanamu», — zajaviŭ kiraŭnik Rasii žurnalistu Paŭłu Zarubinu, piša «Mieduza».
«Kijeŭ staviŭ svajoj metaj nanieści škodu našaj ekanomicy. Jon sam adkryŭ hetuju skryniu Pandory, vypuściŭ džyna z butelki. Nu što ž, atrymajcie adkaz pa vašych najbolš adčuvalnych halinach ekanomiki, jakija i tak ledź dychajuć. Heta datyčycca i sielskahaspadarčaj vytvorčaści. Chočacie parušyć našu łahistyku? Adkaz nie prymusić siabie čakać. Atrymajcie», — dadaŭ jon
Pa słovach Pucina, udary Rasii pa Ukrainie efiektyŭnyja, svoječasovyja i bolš razburalnyja, čym udary USU pa Rasii.
«Rasijskija ŭdary taksama dapamahajuć našym bajcam na froncie. Prapanovy Ukrainy, jakija pastupajuć nam adnosna zaviaršeńnia vajny, ekzatyčnyja i nieprymalnyja. My hatovyja da dyjałohu pra mir, ale tolki na asnovie realij na ziamli», — patłumačyŭ Uładzimir Pucin.
Tak za apošni tydzień u vyniku rasijskich udaraŭ pa Ukrainie zahinuli kala 40 čałaviek. Tak, 20 žniŭnia paśla ŭdaru pa Kijevie zahinuli 15 čałaviek, dziasiatki byli paranienyja. U piatnicu ŭ vyniku ŭdaru pa handlovym centry ŭ Kryvym Rohu zahinuli 16 čałaviek, 140 byli paranienyja. Niekalki čałaviek zahinuli ŭ rehijonach.
Ciapier čytajuć
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała41
Kamientary