BT śćviardžaje, što Valer Załužny nosić branzalet sa svastykaj.
«Va Ukrainie nacyzmu niama. Tolki jak rastłumačyć, što hałoŭnakamandujučy ŭkrainskaj armii hienierał Załužny lubić nasić branzalety sa svastykaj? Zusim niadaŭna ŭ svaim tvitary jon raźmiaściŭ fota, na jakim pry pavieličeńni dobra vidać, jakuju ideałohiju, nie saromiejučysia, prapahanduje kamandavańnie ŭkrainskaha vojska, vybirajučy ŭpryhažeńni z praklatym hnutym kryžam zabojcaŭ, karnikaŭ i fašystaŭ. Tamu hienacyd i pryhniot — heta ich šlach», — śćviardžaje BT.
Dyk što, u Załužnaha i praŭda branzalet sa svastykaj? Viadoma, nie.
Prapahanda nieadnarazova abvinavačvaje ŭkrainskaje vajennaje kiraŭnictva, palitykaŭ i navat prostych ukraincaŭ u nacyźmie.
U vypadku Załužnaha havorka viałasia pra voś hety jahony tvit.
Voś tut prapahandysty pabačyli svastyku.
Z padobnym branzaletam Załužny źjaŭlaŭsia i raniej.
Padobnyja branzalety pradajucca ŭ zvyčajnych internet-mahazinach.
Na aksesuary nijakaj svastyki niama. Adkul ža jana «źjaviłasia» na ruce Załužnaha?
Usia prablema ŭ tym, što tvitar ściskaje jakaść fatahrafii pry jaje publikacyi. I adzin z elemientaŭ branzaleta pry paharšeńni jakaści moža pamyłkova pakazvać «svastyku».
Dla nahladnaści adzin z karystalnikaŭ tvitara vykłaŭ fota z padobnym znakam. Jak bačym, pry paharšeńni jakaści źjaŭlajecca voś takaja «svastyka».
Na hetym branzalecie možna paznać i inšyja simvały, jakija taksama nie majuć dačynieńnia da nacyzmu.
Rasija vyjaviłasia niazdolnaj pieramahčy Ukrainu na poli boju, tamu sprabujuć dyskredytavać ukrainskaje vajskovaje i palityčnaje kiraŭnictva voś takimi fokusami. A łukašysty hetuju prapahandu siervilna retranślujuć.
Ciapier čytajuć
«Vitold kazaŭ: «Nu što vy, što vy…» A mianty paśla kryčali pra mora kryvi». Palitviazień z susiedniaj kamiery raskazaŭ pra śmierć Ašurka5
Kamientary