Samastojny pryjom bijadadatkaŭ moža pryvieści da niečakanych nastupstvaŭ, tamu śpiecyjalisty rajać pić takija preparaty pry nazirańni ŭ doktara. Byvaje, što adny BADy abmiažoŭvajuć dziejańnie inšych, to-bok navat miesiacy pryjomu preparataŭ mohuć akazacca nieefiektyŭnymi. Pra adno z takich niaŭdałych spałučeńniaŭ my vam i raskažam.
Pieršy jaho kampanient — vitamin V12, jaki biare ŭdzieł va ŭtvareńni erytracytaŭ, pieradačy hienietyčnaj infarmacyi i padtrymcy pracy niervovaj sistemy. Deficyt hetaha vitaminu vyklikaje stomlenaść, adčuvańnie słabaści, pierapady nastroju, prablemy sa stravavańniem i aniemiju.
Zvyčajna my atrymlivajem vitamin V12 u składzie miasa ptušak, ryby, małočnych praduktaŭ ci suchich śniadankaŭ, uzbahačanych hetym rečyvam. Ale isnuje ryzyka jaho deficytu, i asabliva jana aktualnaja dla viehietaryjancaŭ, viehanaŭ i pažyłych ludziej, bo ź viekam V12 pačynaje zasvojvacca horš. Tamu ludzi časam vymušanyja prymać hety vitamin dadatkova.
Što kali spałučyć jaho ź vitaminam S? Šmat chto prymaje hetaje rečyva samastojna, bo vitamin S — viadomy srodak padtrymki imunitetu. Jon tym bolš aktualny ciapier, u pieryjad, kali my čaściej chvarejem na prastudu i hryp.
Ale akazvajecca, što kali prymać hetyja dva vitaminy adnačasova, heta naškodzić zasvojvańniu pieršaha ź ich. Reč u tym, što vitamin S vyklikaje raspad vitaminu V12 na stadyi stravavańnia. Ale jość prosty sposab paźbiehnuć hetaha efiektu: prosta prymajcie vitamin S abo dadatki ź im nie mienš čym praź dźvie hadziny paśla preparataŭ z V12.
Jość i inšyja rečyvy, jakija mohuć naškodzić zasvajeńniu vitaminu V12. Heta folijevaja kisłata, supraćzačatkavyja preparaty i złoŭžyvańnie ałkaholem, a taksama leki kłasu inhibitaraŭ pratonnaj pompy, mietfarmin, jaki prymajuć dyjabietyki, i kałchicyn — supraćzapalenčy srodak.
Kisłoty, enzimy i retynoł. Top kaśmietyčnych srodkaŭ na vosień i zimu — biełaruskija i zamiežnyja
Jak nie asłabnuć u siezon VRVI? Adkazvaje doktar Kamaroŭski
Ci varta tracić hrošy na charčovyja dabaŭki?
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary