Kisłoty, enzimy i retynoł. Top kaśmietyčnych srodkaŭ na vosień i zimu — biełaruskija i zamiežnyja
Vosień — idealny čas dla taho, kab uvieści ŭ dohlad tvaru aktyŭnyja inhredyjenty. Voś jakija kłasnyja pradukty z roznymi aktyvami jość siarod biełaruskich brendaŭ i zamiežnych, piša Citydog.io.
Salicyłavaja kisłata
Znachodka dla prablemnaj skury: abłuščvaje skuru, ačyščaje pory, źmianšaje zapaleńni. Idealny farmat — toniki i syvaratki, ale i ŭ ačyščalnych hielach z salicyłavaj kisłatoj jość sens: tak abłuščvańnie atrymajecca bolš dalikatnym.
Hałoŭnaje z salicyłavaj kisłatoj (jak i ź lubym inšym aktyŭnym inhredyjentam) — nie pierabarščyć: možna atrymać suchaść i łuščeńnie.
Tonik ART & FACT.
Eksfalijant Cream.ly Exfoliate My Skin.
Aziełainavaja kisłata
Kali ŭ vas niama pastajannych prablem z vysypańniami i vam nie treba mocnaje abłuščvańnie na pastajannaj asnovie, pryhledźciesia da praduktaŭ z aziełainavaj kisłatoj: jana bolš miakkaja i pryjemnaja ŭ vykarystańni, a jašče vydatna padychodzić dla adčuvalnaj skury.
Retynoł
Retynoł pracuje adrazu ź dźviuma prablemami: i z vysypańniami zmahajecca, i ad marščyn ratuje. Karaciej, kali padletkavyja pryščy jašče nie prajšli, a marščyny ŭžo źjavilisia — retynoł jakraz dla vas.
Pačynać lepš ź nizkaj kancentracyi: pary vykarystańniaŭ na tydzień dla pačatku całkam chopić.
Syvaratka SVR [a] Lift Smoothing Concentrate.
Uvilhatnialny krem Bielita Retinol & Collagen.
Vitamin S
Vitamin S — najlepšy siabra ŭsich, chto pravodzić za kampjutaram bolš času, čym na vulicy, — heta značyć, dla ŭsich nas. Aśviatlaje i vyraŭnoŭvaje ton skury, dadaje joj źziańnia i žyćcia — karaciej, usiaho taho, čaho vosieńniu nam asabliva nie chapaje.
A jašče vitamin S — adzin z tych aktyŭnych inhredyjentaŭ, jakija možna i navat treba vykarystoŭvać ranicaj. Kali ŭsie papiarednija pradukty — chutčej viačerniaja historyja, to srodki sa śpisu nižej možna śmieła nanosić ranicaj: vitamin S, aproč inšaha, źnižaje fotaadčuvalnaść i pracuje jašče i jak antyaksidant.
Syvaratka SVR [C] Anti-Ox Radiance Concentrate.
Krem-filer La Roche-Posay Pure Vitamin C Light.
Syvaratka Liv Delano Glow Up.
Enzimy
Važny spojler, jaki treba było b raźmiaścić u pačatku tekstu: i kisłoty, i retynoł pavyšajuć adčuvalnaść skury da sonca — vosieńniu i zimoj heta, mahčyma, nie tak strašna, a voś letam biez SPF ich vykarystoŭvać dakładna nie varta.
Kali vy ŭsio jašče nie prychilnik SPF, a abłuščvańnia i roŭnaha tonu chočacca — pryhledźciesia da praduktaŭ z enzimami: jany pracujuć bolš miakka i nie pavyšajuć fotaadčuvalnaść.
Enzimnaja pudra Bielita.
Čytajcie taksama:
5 zakinutych šlachieckich siadzib Biełarusi, jakija abaviazkova treba pabačyć
Niečakanaści pajezdki ŭ Izrail: biełarusaŭ na miažy razvaročvajuć, a banki nie prymajuć dalary, kuplenyja ŭ Biełarusi
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1515
Kamientary