Mask zapuściŭ apytańnie pra toje, ci syści jamu z pasady kiraŭnika Twitter
Biznesoviec Iłan Mask zapuściŭ u svaim akaŭncie ŭ Twitter apytańnie dla karystalnikaŭ pra toje, ci varta jamu syści z pasady kiraŭnika kampanii, piša RBK.
«Ci pavinien ja syści z pasady kiraŭnika Twitter? Ja budu prytrymlivacca vynikaŭ hetaha apytańnia», — napisaŭ jon. Pa stanie na 8 ranicy adkazali ŭžo bolš 11 miljonaŭ karystalnikaŭ. Amal 56 pracentaŭ za sychod.
Mask staŭ uładalnikam Twitter 27 kastryčnika, kupla abyšłasia jamu ŭ $44 młrd. Pradprymalnik raspuściŭ raniejšuju radu dyrektaraŭ i vyrašyŭ uznačalić kampaniju asabista. Paśla hetaha ŭ joj zvolnili pałovu supracoŭnikaŭ.
Supracoŭnikam, jakija zastalisia, zabaranili dystancyjnuju pracu, a ŭ ofisach kampanii ŭ San-Francyska ŭstalavali łožki dla tych, chto zastajecca na pracy na noč.
Na novaj pasadzie Mask prystupiŭ da źmienaŭ u Twitter. Naprykład, jon prapanavaŭ zrabić płatnaj vieryfikacyju akaŭntaŭ — za $8 u miesiac u desktopnaj viersii i $11 — dla karystalnikaŭ iOS. U dalejšym, jak pakazvali ŭ kampanii, płanujecca paznačać biznes-akaŭnty załatoj ptuškaj, a ŭradavyja i šmatprofilnyja staronki — šeraj. Raniej Twitter davaŭ błakitnuju hałačku biaspłatna. Na fonie novaŭviadzieńniaŭ supracoŭnictva z kampanijaj prypynili bujnyja rekłamadaŭcy.
Ciapier čytajuć
Biełaruś čakaje novaja chvala savieckich ludziej z Łatvii i Estonii12
Biełaruś čakaje novaja chvala savieckich ludziej z Łatvii i Estonii
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary