Vienhryja sprabuje znoŭ zabłakavać tranš dapamohi Jeŭrasajuza Ukrainie
Pra čarhovuju asablivuju pazicyju Vienhryi paviedamiła polskaje vydańnie RMF FM sa spasyłkaj na vysokapastaŭlenaha jeŭrapiejskaha dypłamata.
Pavodle śviedčańnia krynicy, Jeŭrapiejski fond miru (EPF) pavinien byŭ vydzielić na padtrymku Ukrainy kala paŭmiljarda jeŭra, ale nie zmoh heta zrabić z-za błakavańnia z boku Vienhryi.
U paniadziełak adbudziecca sustreča ministraŭ zamiežnych spraŭ krain ES, na jakoj jany mohuć akazać cisk na Budapiešt, adznačaje RMF. Vieta Vienhryi, maŭlaŭ, aburaje jeŭrapiejskich dypłamataŭ, bo jano spryjaje Rasii i nie hruntujecca na niejkich abjektyŭnych padstavach.
Pry hetym u Jeŭrasajuza jość zapasny płan abychodu vieta, jak heta było ŭ vypadku, kali Vienhryja zabłakavała 18 młrd jeŭra makrafinansavaj dapamohi Ukrainie ŭ pačatku śniežnia. Tady ES chacieŭ navat pryniać pravavy akt, jaki dazvoliŭ by nakiravać dapamohu ŭ abychod Vienhryi. U vyniku kraina sastupiła, i pakiet dapamohi byŭ pryniaty.
Takoj nievialikaj dziaržavie, jak Vienhryja, adnoj ciažka dyktavać pazicyju ŭsiamu ES, adznačyŭ dypłamat.
Kamientary