Orban: Kali ZŠA pierastanuć davać Ukrainie hrošy i zbroju, vajna spynicca
Premjer-ministr Vienhryi Viktar Orban ličyć, što mir va Ukrainie naŭprost zaležyć ad ZŠA, jakija padtrymlivajuć ukraincaŭ zbrojaj i hrašyma. Pra heta jon skazaŭ u kaladnym intervju vydańniu Magyar Nemzet.
Orban zaznačyŭ, što 2022 hod byŭ samym niebiaśpiečnym za apošnija tryccać hadoŭ. Pavodle jaho słoŭ, Vienhryja sutyknułasia ź niebiaśpiekaj być uciahnutaj u vajnu va Ukrainie, a rost cen na enierhanośbity taksama šturchaje krainu ŭ niebiaśpiečnym napramku.
Viktar Orban paćvierdziŭ pazicyju Vienhryi, što ŭ vajnie nieabchodnaje spynieńnie ahniu, a potym mirnyja pieramovy.
«Ukraina moža praciahvać vajavać tolki da taho času, pakul ZŠA padtrymlivajuć ich hrašyma i zbrojaj. Kali amierykancy chočuć miru, to mir budzie», — zajaviŭ jon.
Adnosna pazicyi Vienhryi jon zaznačyŭ, što Vienhryja źjaŭlajecca «pravienhierskaj». «Naš adkaz na pytańnie, ci znachodzimsia my na dobrym abo drennym baku historyi, u tym, što my znachodzimsia na vienhierskim baku historyi», — rastłumačyŭ jon.
«My padtrymlivajem i dapamahajem Ukrainie, my zacikaŭlenyja ŭ vyžyvańni suvierennaj Ukrainy, i my zacikaŭlenyja ŭ tym, kab Rasija nie ŭjaŭlała pahrozy biaśpiecy Jeŭropy. Ale my nie zacikaŭlenyja ŭ tym, kab zdać usie našy ekanamičnyja adnosiny z Rasijaj», — padkreśliŭ premjer-ministr Vienhryi.
Ciapier čytajuć
Rasijanin z sudzimaściu zaniaŭsia dabračynnaściu ŭ Biełarusi. U niekatorych paśla dapamohi Dziadzi Jašy pačynajucca prablemy10
Kamientary