Navukovy praryŭ: insulin možna vypuskać u tabletkach. Raskazvajem, jak heta stała mahčymym
Novaje adkryćcio adkazvaje na pytańnie, jakoje staviła daśledčykaŭ dyjabietu ŭ tupik na praciahu 100 hadoŭ.
Navukoŭcy ź Instytuta Uołtera i Elizy Choł (WEHI) u Mielburnie vyrašyli viekavoje pytańnie ŭ daśledavańniach dyjabietu, vyjaviŭšy, što inšyja malekuły zdolnyja zamianić insulin z takim ža efiektam. Heta daje kaštoŭnuju infarmacyju dla budučaha stvareńnia pieršych insulinavych tabletak.
Pavodle daśledavańnia, apublikavanaha ŭ časopisie Nature Communications, navukoŭcy paśpiachova prademanstravali, što nieinsulinavaja malekuła moža całkam imitavać insulin, nieabchodny dla padtrymańnia ŭzroŭniu cukru ŭ kryvi čałavieka. Heta adkryvaje novyja mahčymaści dla raspracoŭki lekaŭ, jakija mahli b zamianić štodzionnyja injekcyi insulinu dla ludziej z dyjabietam 1-ha typu.
Kamanda navukoŭcaŭ pry dapamozie kryjaelektronnaj mikraskapii pabudavała trochmiernyja čarciažy niekalkich malekuł, zvanych «pieptydami», jakija, jak viadoma, uzajemadziejničajuć z receptaram insulinu i ŭtrymlivajuć jaho ŭ «aktyŭnym» stanie.
U chodzie ekśpierymientu byŭ vyjaŭleny adzin «pieptyd», jaki moža źviazvacca z receptaram i aktyvavać jaho tak, jak insulin. Pa słovach doktara Nikałasa Kirka, adnaho z aŭtaraŭ daśledavańnia, z hetaj malekuły možna sintezavać leki ŭ vyhladzie tabletak, bo sam insulin zanadta niestabilny i lohka rasščaplajecca arhanizmam pry traplańni ŭ stravavod.
«Insulin byŭ stvorany 100 hadoŭ tamu, a raspracoŭka insulinavych tabletak była hałoŭnaj maraj usich daśledčykaŭ dyjabietu, ale paśpiachovych sprob stvareńnia takich lekaŭ dahetul nie było. Nam samim treba prajści jašče doŭhi šlach u vyhladzie dalejšych daśledavańniaŭ, ale vielmi pryjemna viedać, što naša adkryćcio adčyniaje dźviery dla lačeńnia dyjabietu 1-ha typu pry dapamozie tabletak», — raskazvaje doktar Kirk.
Nahadajem, što insulin — heta harmon, jaki ihraje važnuju rolu ŭ rehulacyi ŭzroŭniu hlukozy (cukru) u kryvi čałavieka. Jon vypracoŭvajecca padstraŭnikavaj załozaj i dapamahaje arhanizmu vykarystoŭvać hlukozu dla atrymańnia enierhii. U ludziej z dyjabietam arhanizm abo nie vypracoŭvaje dastatkovaj kolkaści insulinu, abo nie moža efiektyŭna jaho vykarystoŭvać, što pryvodzić da pavyšeńnia ŭzroŭniu cukru ŭ kryvi i inšych niehatyŭnych nastupstvaŭ.
Čytajcie jašče:
«Daktary skazali, što ja nie žylec». Biełarus važyŭ 183 kiłahramy i vyrašyŭsia ŭšyć straŭnik. Jak dapamahło?
Daktary pieraścierahajuć: nie rabicie hetaha pierad pachodam da miedykaŭ
Hielevy manikiur zdolny vyklikać rak
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2020
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich20
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary