Bił Hiejts nazvaŭ budučuju vialikuju pahrozu dla čałaviectva. Ź jaho acenkaj zhodzien Interpał
Jašče raniej jon całkam pradkazaŭ źjaŭleńnie «hłabalnaj epidemii».
Multymiljarder, fiłantrop, adzin z zasnavalnikaŭ karparacyi Microsoft Bił Hiejts papiaredziŭ, što samym surjoznym vyklikam dla čałaviectva stanie bijateraryzm. Pra heta 14 lutaha paviedamiła ahienctva Euronews sa spasyłkaj na intervju miljardera žurnalistu BBC.
U hetym intervju Bił Hiejts rastłumačyŭ, čamu ličyć bijateror pahrozaj i čym jon adroźnivajecca ad pandemij.
«Bijateror i pandemija adnolkava padviarhajuć čałaviectva niebiaśpiečnym i śmiarotnym zachvorvańniam, adnak ad bijateraryzmu składaniej abaranicca, bo jaho adepty robiać heta śviadoma i lepš viedajuć vašyja słabyja miescy», — adznačyŭ Hiejts.
Takuju ž pazicyju zajmaje Interpał, śćviardžajučy, što terakty bijałahičnaj skiravanaści zdolnyja siejać bolš strachu i razbureńniaŭ, čym zvyčajnyja.
«Pahroza bijateraryzmu isnuje: aktualnyja źviestki ŭkazvajuć na toje, što asobnyja terarystyčnyja hrupy i złačyncy majuć jak mahčymaści, tak i namier vykarystoŭvać bijałahičnyja kampanienty dla pryčynieńnia škody hramadstvu», — paviedamlaje Interpał.
Pa źviestkach arhanizacyi, padobnyja napady mohuć adbycca dzie zaŭhodna i biez papiaredžańnia. Padčas ich mohuć być skarystany bakteryi sibirskaj jazvy, jakaja amal zaŭsiody pryvodzić da śmierci ludziej i žyvioł. Naprykład, u ZŠA ŭ 2001 hodzie sibirskaj jazvaj praz poštu naŭmysna zarazili bolš za dva dziasiatki čałaviek, piać ź jakich pamierli ad chvaroby.
Nahadajem, što Bił Hiejts jašče ŭ 2015 hodzie papiaredziŭ ab budučaj hłabalnaj epidemii. Taksama padčas niadaŭniaha intervju ahienctvu BBC miljarder prakamientavaŭ toj fakt, što jon staŭ centram teoryi zmovy ab tajamničym źjaŭleńni karanavirusa.
«Ja hetaha nie čakaŭ. Padčas pandemii byli dziasiatki miljonaŭ paviedamleńniaŭ ab tym, što ja naŭmysna vyklikaŭ jaje ci adsočvaju ludziej praz vakcyny. Heta praŭda, što ja źviazany z vakcynami, ale ja finansuju ich, kab ratavać žyćci. Ja dumaju, što ludzi šukajuć «puhałku» za zasłonaj albo praźmierna sproščanaje tłumačeńnie realnaści. Vidać, emocyi złości našmat lahčej zrazumieć, čym asnovy bijałohii», — skazaŭ jon.
Čytajcie jašče:
Dva japoncy pamierli paśla transpłantacyi orhanaŭ u Biełarusi. U Japonii zaviali kryminalnuju spravu
Paśla pačatku pandemii ŭsio bolš maładych pamiraje ad infarktaŭ. Voś u čym pryčyna
Navukovy praryŭ: insulin možna vypuskać u tabletkach. Raskazvajem, jak heta stała mahčymym
Ciapier čytajuć
U zahinułaj u Ślapiancy dziaŭčynie apaznali Janu Kastrankovu2
Kamientary