Novy test na rak hrudziej, jaki robicca z dapamohaj analizu potu na končykach palcaŭ, moža zamianić niepryjemnuju mamahrafiju, što vykarystoŭvajecca ciapier. Mahčyma, što vynachodnictva spracuje i ź inšymi vidami raku.
Prafiesarka Simona Frančeze pryjšła da vysnovy, što pot na palcach moža z 98%-naj dakładnaściu paviedamić nam, ci maje taja ci inšaja žančyna rak hrudziej. Usio ad taho, što na najaŭnaść raku moža ŭkazvać białok-bijamarkier u pocie, tłumačyć Daily Mail.
Frančeze 15 hadoŭ pracavała razam z palicyjaj nad zboram infarmacyi praz adbitki palcaŭ. U vyniku jana adkryła mietad, što dazvalaje pravieryć najaŭnaść raku hrudziej.
Razam z prafiesarkaj Frančeze nad adpaviednym daśledavańniem pracavali navukoŭcy z brytanskaha ŭniviersiteta Šefiłd-Chałam. Dośled z udziełam 15 žančyn pakazaŭ, što kali prosta pakinuć uzory potu na adpaviednaj płaścinie, možna vyznačyć i najaŭnaść raku, i navat jaho ciažkaść. Navukoŭcy pryjšli da vysnovy, što ź ciaham času taki test moža zamianić mamahrafiju, ale ž treba pravodzić bolš maštabnyja vyprabavańni novaha mietadu.
Ciapier, kali pravodziać mamahrafiju, małočnuju załozu raźmiaščajuć pamiž dźviuch płaścin i potym pravodziać jaje renthien. Hetaja pracedura časta prynosić dyskamfort, a ŭ niekatorych ludziej i ŭvohule vyklikaje bol. Kali ž ideja z novym testam budzie paśpiachovaj, pravieryć siabie na rak možna budzie, nie vychodziačy z domu, i pry hetym čałaviek budzie adčuvać siabie našmat kamfortniej.
Płaścinu dla testu, ličać navukoŭcy, možna budzie vysyłać pacyjentcy dadomu. Paśla taho, jak taja pakidaje na joj svaje adbitki palcaŭ, płaścinu apyrskvajuć chimičnym srodkam i źmiaščajuć u mas-śpiektromietr, dzie z dapamohaj mocnaha łaziera ŭzor potu pieratvarajuć u haz. Paśla hetaha navukoŭcy mohuć acanić jaho skład i vyznačyć najaŭnaść u pocie čałavieka bijamarkieraŭ raku hrudziej.
Taksama daśledčyki sprabujuć zrazumieć, ci nie moža novy mietad dapamahčy znachodzić i inšyja vidy raku, u tym liku rak prastaty.
«Chvaroba — duš, jaki zmyvaje ź ciabie ŭsio lišniaje». Kacia Pytleva i jaje ščyry apovied pra rak
Hety vid raku źjaŭlajecca samym raspaŭsiudžanym u śviecie. Voś hałoŭnyja mify pra jaho
Prabiežki mocna źnižajuć ryzyku raku hrudziej
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary