Cichanoŭskaja zaklikała biełaruskuju dyjasparu zaŭtra vyjści na mitynhi
«24 lutaha 2022 hoda pačałasia žudasnaja vajna, u jakoj režym Łukašenki prymaje ŭdzieł. Praź jaho suahresaram stała biełaruskaja dziaržava, ale nie biełarusy. Biełarusy nie padtrymlivajuć hetuju vajnu», — cytuje słovy Cichanoŭskaj jaje pres-słužba.
«Pakul Łukašenka davaŭ terytoryju Biełarusi dla rasijskich samalotaŭ i sałdataŭ, biełarusy spyniali ešałony z vajennaj technikaj i dasyłali źviestki ŭ «Biełaruski Hajun». Biełarusy praciahvajuć vałancioryć va Ukrainie i vajavać u šerahach USU.
Zaŭtra budzie hod jak idzie vajna, jakoj nie musić być ni dnia. I biełarusy pra heta nie zabyvajucca. U našaj krainie, dzie za žoŭta-błakitnyja stužki dajuć sutki, a za pieśniu hurta «Okiean Jelzi» zavodziać kryminałku, niemahčyma vyjści na vulicu z nacyjanalnymi ściahami Ukrainy i Biełarusi.
Ale heta možna zrabić za miažoj. Tamu zaŭtra biełarusy vyjduć u Aŭstryi, Brazilii, Vialikabrytanii, Hiermanii, ZŠA, Irłandyi, Italii, Łatvii, Litvy, Narviehii, Polščy, Finlandyi, Francyi, Čarnahoryi, Šviecyi, Estonii i inšych krainach śvietu. Dałučajciesia i vy!»
Adšukajcie na dze.chat supołku vašaj krainy ci vašaha horada, znajdzicie tam infarmacyju, kudy biełarusy pojduć u hety dzień, abmiarkujcie ź ziemlakami pikiety kala ambasadaŭ Biełarusi — i dałučajciesia da ich», — havorycca ŭ zajavie Śviatłany Cichanoŭskaj.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary