Asudzili pa kryminałcy minčanina, jaki ŭ tredsach usumniŭsia ŭ isnavańni hitleraŭskaha płana «Ost»
Aleh Kaśpiarovič u svoj čas vučyŭsia ŭ suvoraŭskim vučyliščy, žyŭ u Francyi i mieŭ ułasny biznes.
Alehu Kaśpiaroviču 56 hadoŭ. U junactvie jon paśpieŭ pavučycca ŭ niekalkich minskich škołach, a taksama ŭ hruzinskim Poci. Z 1985 pa 1987 hod byŭ kursantam Minskaha suvoraŭskaha vajennaha vučylišča, paśla čaho da 1990‑ha prachodziŭ vajskovuju słužbu ŭ Azierbajdžanie.
U Biełarusi Aleh doŭhi čas zajmaŭsia pradprymalnictvam. U nulavyja kiravaŭ pryvatnym pradpryjemstvam, jakoje śpiecyjalizavałasia na roznych palihrafičnych pasłuhach. Paśla žyŭ i pracavaŭ u Francyi.
Miarkujučy pa profilach Kaśpiaroviča ŭ Linkedin, jak minimum z 2021 hoda jon žyŭ u Minsku. Pracavaŭ u śfiery internet-markietynhu ŭ kampanijach «EłandBiełImpart» i «Motaviełahrad».
Jak śćviardžaje BiełTA, viasnoj minułaha hoda Aleh pakinuŭ u tredsach pad publikacyjami pra Druhuju suśvietnuju vajnu kamientary, dzie pastaviŭ pad sumnieŭ isnavańnie hitleraŭskaha płana «Ost» jak etapu hienacydu. Jon, pavodle BiełTA, napisaŭ, što nie zmoh znajści ŭ internecie aryhinał dakumienta, tamu paličyŭ jaho vydumkaj savieckaj partyi.
Nieŭzabavie mužčynu zatrymali supracoŭniki HUBAZiKa. Na dopycie jon adznačyŭ, što viedaŭ pra žorstkaść nacystaŭ ad svajakoŭ, ale ličyŭ heta reakcyjaj na partyzanski ruch, a svaje histaryčnyja viedy nazvaŭ paviarchoŭnymi. Da suda Kaśpiaroviča trymali ŭ SIZA.
Spravu Aleha razhladali ŭ Minskim haradskim sudzie. Jaho abvinavacili pavodle č. 1 art. 130‑2 Kryminalnaha kodeksa Biełarusi — «admaŭleńnie hienacydu biełaruskaha naroda».
Mužčynu prysudzili chatniuju chimiju.
«Naša Niva» — bastyjon biełaruščyny
PADTRYMAĆŹnik u SIZA pa spravie ab padatkach, a znajšoŭsia ŭ śpisie «ekstremistaŭ». Što viadoma pra biznesmiena z Žodzina Siarhieja Pako
57‑hadovuju ŭradženku Vińnicy asudzili za kamientary ŭ telehramie. Siabie jana nazyvała «ŭkrainkaj z akupavanaha Minska»
Aŭtazavodca ź Michanavičaŭ kinuli za kraty za palityčnyja vykazvańni
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj43
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary
Śmiešna, łukašenki, sprabujuć pierapisvać historyju Biełarusi, i prosta historyju, z dapamohaj nievukaŭ i kataŭ biełarusaŭ z hubazika i kdb?!
Takaja historyja isnuje roŭna da taho momantu, pakul historykami buduć nievuki z kdb i hubazika, i nie na chvilinu bolš !