Patryjarch Kanstancinopalski prybudzie ŭ Litvu dla nadańnia tutejšaj pravasłaŭnaj carkvie samakiravańnia
Takuju prośbu vykazała Litoŭskaja pravasłaŭnaja carkva. Jašče adna carkva adychodzić ad Maskvy.
Litva adzinaja z troch byłych bałtyjskich respublik nie maje aficyjna zaćvierdžanaha statusa samakiravańnia, chacia faktyčna nie padtrymlivaje finansavych suviaziej z Maskoŭskim patryjarchatam i daŭno prymaje rašeńni samastojna.
Nieviadoma, jak doŭha praciahvałasia b takoje stanovišča, kab nie kanflikt unutry Litoŭskaj pravasłaŭnaj carkvy. U mai 2022 hoda ad niasieńnia duchoŭnaha słužeńnia rašeńniem Mitrapalita Litoŭskaha i Vilenskaha archijepiskapa Inakiencija adchilili piaciarych pravasłaŭnych śviataroŭ.
Aficyjnaja pryčyna — «parušeńnie prysiahi, iłžeśviedčańnie, niepadparadkavańnie jepiskapu, arhanizacyja zmovy suprać jepiskapa i jaho duchoŭnych bratoŭ, tryvoha za mir u Carkvie, imknieńnie pierajści ŭ inšuju carkoŭnuju jurysdykcyju biez zhody svajho jepiskapa».
Nasamreč pryčyna była ŭ tym, što śviatary krytykavali vajnu Rasii va Ukrainie i Patryjarcha Maskoŭskaha i ŭsiaje Rusi Kiryła. Adznačym, što sam Mitrapalit Vilenski Inakiencij u svajoj zajavie ŭ sakaviku 2022 hoda taksama asudziŭ vajnu Rasii suprać Ukrainy.
Adchilenyja śviatary abskardzili rašeńnie Mitrapalita ŭ najvyšejšaj apielacyjnaj instancyi — Usialenskim pravasłaŭnym patryjarchacie. Jany taksama prasili ŭ Kanstancinopalskaha patryjarchatu dazvołu adnavić kananičnaje padparadkavańnie Litvy hetamu patryjarchatu.
Pa pieršym pytańni skarha była razhledžana stanoŭča. Kanstancinopalski patryjarchat viarnuŭ san litoŭskim pravasłaŭnym klirykam. Druhoje pytańnie, chutčej za ŭsio, taksama budzie vyrašana stanoŭča.
Napiaredadni vizitu Patryjarcha Kanstancinopalskaha (16 sakavika) Śviaty sinod Maskoŭskaha patryjarchatu nakiravaŭ na razhlad Archijerejskaha saboru prośbu Mitrapalita Litoŭskaha i Vilenskaha archijepiskapa Inakiencija ab nadańni Litoŭskaj pravasłaŭnaj carkvie statusu samakiravanaj.
Cytajcie taksama:
Usialenski patryjarch Varfałamiej trapiŭ u balnicu na druhi dzień vizitu ŭ ZŠA
Papa Francišak i patryjarch Varfałamiej: niaśmiełaje pieraadoleńnie
Kamientary