Usialenski patryjarch Varfałamiej trapiŭ u balnicu na druhi dzień vizitu ŭ ZŠA
Usialenski patryjarch Varfałamiej na druhi dzień svajho vizitu ŭ ZŠA trapiŭ u špital z-za drennaha samaadčuvańnia. Pra heta paviedamiła pres-słužba Hrečaskaj pravasłaŭnaj archijeparchii Amieryki, jakaja źjaŭlajecca jeparchijaj Usialenskaha Patryjarchatu ŭ ZŠA, piša Bi-bi-si.
«Niepasredna pierad adpraŭleńniem na słužbu ŭ Sabor Śviatoj Safii jaho Usiaśviaciejšastva Suśvietny patryjarch Varfałamiej staŭ adčuvać siabie błaha z-za doŭhaha pieralotu i zahružanaha raskładu padziej pa prybyćci. Doktar paraiŭ jamu adpačyć, i dla zabieśpiačeńnia jaho spakoju i zaściarohi jaho dastaviać va ŭniviersiteckuju balnicu Džordža Vašynhtona dla nazirańnia», — havorycca ŭ zajavie archijepiskapii ŭ ZŠA.
Nijakich inšych padrabiaznaściaŭ stanu zdaroŭja patryjarcha pres-słužba nie paviedamlaje.
Ahułam patryjarch adčuvaje siabie dobra i nieŭzabavie pavinien adnavić prahramu vizitu.
Na samaadčuvańnie mahło paŭpłyvać śviatkavańnie 30-j hadaviny intranizacyi Varfałamieja, jakaja adbyłosia napiaredadni vyletu.
24 kastryčnika Varfałamiej pavinien byŭ uznačalić słužbu ŭ Safijskim sabory ŭ Vašynhtonie.
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy13
Kamientary