Ułady paabiacali Hudžeroci dapamahčy ŭ adnaŭleńni kaścioła ŭ Budsłavie
Dziaržava dapamoža ŭ adnaŭleńni śviatyni ŭ Budsłavie. Pra heta zajaviŭ staršynia Minskaha abłvykankama Alaksandr Turčyn 1 lipienia na sustrečy z papskim lehatam arcybiskupam Kłaŭdzia Hudžeroci.
Kłaŭdzia Hudžeroci prybyŭ u Biełaruś u jakaści śpiecyjalnaha pasłańnika Papy Rymskaha Franciška dla ŭdziełu ŭ śviatkavańniach, prymierkavanych da 25-j hadaviny Karanacyi abraza Maci Božaj Budsłaŭskaj.
Štohadovy Budsłaŭski fest sioleta prachodzić z 30 červienia pa 1 lipienia i byŭ prymierkavany da 25-hodździa karanacyi cudadziejnaha abraza Maci Božaj Budsłaŭskaj.
Sustreča papskaha lehata z kiraŭnikom Minskaj vobłaści adbyłasia ŭ kaściole ŭ Budsłavie.
«Dziaržava hatovaja paŭdzielničać u adnaŭleńni chrama. Treba padrychtavać prajektnuju dakumientacyju, kab u nastupnym hodzie možna było ŭžo vydzialać finansavańnie», — skazaŭ staršynia Minskaha abłvykankama.
Jakija sastupki na karyść biełaruskaha režymu z boku Vatykana i Katalickaj carkvy ŭ Biełarusi ŭzamien prapanavaŭ Hudžeroci, nie paviedamlajecca.
Taksama na sustrečy abmiarkoŭvałasia pryciahnieńnie ŭ Budsłaŭ turystaŭ i pilihrymaŭ, u tym liku z Zachodniaj Jeŭropy, bo im «moža być cikava nie tolki ŭbačyć kaścioł, ale i pabyvać u inšych kutkach Naračanskaha kraju, pahladzieć pryrodnuju pryhažość».
Pažar u budsłaŭskim kaściole adbyŭsia ŭ mai 2021 hoda, u vyniku jakoha zhareŭ dach. Dla ramontu kaścioła paśla taho byli adkrytyja dabračynnyja rachunki. Płany pa restaŭracyi paśla pažaru raśpisanyja na 11 hadoŭ.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ7
Kamientary
jon niejki nieiziaščny