U hetyja dni, 30 červienia i 1 lipienia, u Budsłavie (Minskaja vobłaść) prachodzić tradycyjny fest u honar Maci Božaj Budsłaŭskaj.
Sioleta 25 hadoŭ z času karanacyi abraza Maci Božaj Budsłaŭskaj, apiakunki Biełarusi. Na śviata z hetaj nahody prybyŭ były papski nuncyj u Biełarusi, arcybiskup Kłaŭdya Hudžeroci.
Naviedniki zaŭvažajuć, što kidajecca ŭ vočy vialikaja kolkaść milicyjantaŭ.
«Milicyjantaŭ u štackim par 15 zaŭvažyŭ. Za biblijatekaj — MAZ suviazi ad Ministerstva abarony, z razhornutymi antenami. Tam i busik čorny stajaŭ, a ŭ im AMAP, čałaviek dziesiać. I vielmi šmat supracoŭnikaŭ PPS, čałaviek sto. Nie śviata, a adny mianty», — padzialiŭsia nazirańniami adzin z tych, chto pryjechaŭ na fest.
Fest u Budsłavie šmat hod źbiraje viernikaŭ z usioj Biełarusi i nie tolki. Niekatoryja iduć na śviata pieški. Tak, piešaja pilihrymka ź Minska sioleta vyjšła 26 červienia — za piać dzion jany prajšli 125 kiłamietraŭ.
U mai 2021 hoda ŭ kaściole zdaryŭsia vialiki pažar. Śviatynia była mocna paškodžanaja, hrošy na jaje adnaŭleńnie źbirali ŭsioj krainaj.
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary