Na raskopkach pad Minskam znajšli jašče adzin tryzub kniazia Iziasłava
Jašče adzin frahmient posudu z radavym znakam kniazia Iziasłava, syna Rahniedy i Uładzimira, znajšli na archieałahičnym kompleksie na race Miency 7 lipienia 2023 hoda, paviedamili na sajcie Nacyjanalnaj akademii navuk Biełarusi.
Archieałahičnyja daśledavańni haradzišča i sieliščaŭ pad kiraŭnictvam zahadčyka adździeła Instytuta historyi Andreja Vajciachoviča viaducca na Miency z kanca maja.
Pieršaje padobnaje adkryćcio, jakoje ŭ značnaj stupieni paŭpłyvała na płany maštabnaha vyvučeńnia historyka-kulturnaj kaštoŭnaści kala vioski Haradzišča Minskaha rajona, zrabili ŭ minułym hodzie.
«Tady siensacyja była ŭ tym, što zachavanaje donca harška — adzinaje padobnaje ŭ Biełarusi (ciapier užo dva). Heta harščok, ź jakoha jeŭ sam kniaź! — pišuć na instahram-staroncy siadziby «Stary Miensk». — Užo tady navukoŭcy vykazali mierkavańnie, što Rahniedu ź Iziasłavam mahli sasłać nie na hołaje miesca ŭ Zasłaŭje, a ŭ Miensk. A Zasłaŭje Iziasłaŭ zasnavaŭ užo sam. I voś — druhaja takaja znachodka! Ciapier niama nijakich sumnievaŭ, što ŭžo ŭ kancy X stahodździa Miensk byŭ kniažackim horadam i mieŭ vielmi vysoki status».
Usiaho niekalki tydniaŭ tamu na raskopkach znajšli kaściany hrabieńčyk, jakomu 1000 hadoŭ.
Nahadajem, što raskopki ŭ Starym Miensku, na zamčyščy i sieliščy CHI stahodździa, iduć kožny dzień uklučna z subotaj.
Archieołahi zaprašajuć dałučacca ŭsich achvotnych, ałharytm pa nastupnaj spasyłcy.
Čytajcie taksama:
Na raskopkach u Biełarusi znajšli śvistulku, jakoj 400 hadoŭ, i adnavili jaje huk. Vy pasłuchajcie!
Haradzišča, na jakim pačynaŭsia Minsk, abviaścili piešachodnaj zonaj
Ciapier čytajuć
Łukašenka: My chočam z Pakistana śpiecyjalistaŭ, a nie prosta moładź. I najpierš u Baranavičy26
Kamientary
miascovyja peŭna rady ) harackija pryjechali, dzialanku biaspłatna ŭskapali im. miascovyja potym bulbu pasodziać tam )
pejse. nu jakija tryzuby jakoje čto... na hłybini 5-10 sm... piasočnica dla "darosłych"...