Jeŭrasajuz budzie padtrymlivać biełarusaŭ stolki, kolki nieabchodna — Barel
Viarchoŭny pradstaŭnik Jeŭrasajuza pa zamiežnych spravach i palitycy biaśpieki Žazep Barel zajaviŭ, što ES hatovy akazać Biełarusi dapamohu pa stabilizacyi situacyi ŭ ekanomicy paśla praviadzieńnia ŭ joj svabodnych i demakratyčnych vybaraŭ, paviedamlaje «Radyjo Svaboda».
«My zaklikajem ułady Biełarusi ŭstupić u sapraŭdny i inkluziŭny dyjałoh z usimi słajami hramadstva, jaki b vioŭ da svabodnych i spraviadlivych vybaraŭ. ES abaviazvajecca dapamahčy Biełarusi stabilizavać ekanomiku i refarmavać instytuty, kali Biełaruś stanie na šlach pierachodu da demakratyi», — zajaviŭ Žazep Barel ad imia Jeŭrasajuza z nahody treciaj hadaviny prezidenckich vybaraŭ, vyniki jakich byli sfalsifikavanyja.
Tekst adpaviednaj zajavy na troch movach — anhlijskaj, biełaruskaj i ruskaj — apublikavany na aficyjnym sajcie Jeŭrasajuza.
Barel padkreśliŭ, što meta Jeŭrasajuza — «sadziejničać pavyšeńniu ŭstojlivaści i ažyćciaŭleńniu novych demakratyčnych reformaŭ, stvarać novyja pracoŭnyja miescy i pavyšać uzrovień žyćcia ludziej, u tym liku praz Usieachopny płan ekanamičnaj padtrymki demakratyčnaj Biełarusi ź biudžetam da troch miljardaŭ jeŭra».
«ES budzie padtrymlivać biełarusaŭ stolki, kolki nieabchodna, na ich šlachu da pabudovy niezaležnaj, demakratyčnaj i kvitniejučaj krainy, jakaja b była častkaj mirnaj Jeŭropy», — zajaviŭ jeŭračynoŭnik.
Viarchoŭny pradstaŭnik Jeŭrasajuza taksama vykazaŭ zaniepakojenaść stanam pravoŭ čałavieka ŭ Biełarusi ŭ suviazi z pavieličeńniem kolkaści palitviaźniaŭ, raźmiaščeńniem u Biełarusi najmitaŭ PVK «Vahnier» jak destabilizujučym upłyvam u rehijonie i ryzykaj, jakuju jany ŭjaŭlajuć dla suvierenitetu Biełarusi.
«ES budzie praciahvać cisnuć na biełaruski režym tak doŭha, jak heta spatrebicca. ES vysoka aceńvaje i padtrymlivaje namahańni biełaruskaha demakratyčnaha ruchu. Rašučaść biełaruskaha naroda, jaki z vysokaj ryzykaj dla siabie praciahvaje adstojvać demakratyju, źjaŭlajecca faktaram, jaki ŭsialaje vialikuju nadzieju.
ES akazvaje padtrymku achviaram represij, pravaabaroncam, arhanizacyjam hramadzianskaj supolnaści, niezaležnym ŚMI i žurnalistam, studentam i kampanijam u vyhnańni, a taksama inicyjatyvam, nakiravanym na zachavańnie biełaruskaj identyčnaści, kultury i movy», — zajaviŭ Žazep Barel.
Chto farmiruje śpisy sankcyj i čamu ŭ novy pakiet patrapiła byłaja načalnica kałonii, jakaja nie pierasiakałasia z Kaleśnikavaj
Siejmu treba viarnucca da pytańnia ŭnifikacyi sankcyj suprać biełarusaŭ i rasijan — daradca prezidenta Litvy
Jeŭrasajuz zaćvierdziŭ sankcyi na ekspart vajskovych tavaraŭ u Biełaruś
Ciapier čytajuć
«Sił niama, resursaŭ niama, usie stamilisia». Łukašenka zajaviŭ, što vajna va Ukrainie ŭ najbližejšyja miesiacy budzie skončanaja13
«Sił niama, resursaŭ niama, usie stamilisia». Łukašenka zajaviŭ, što vajna va Ukrainie ŭ najbližejšyja miesiacy budzie skončanaja
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha4040
Kamientary