Chto farmiruje śpisy sankcyj i čamu ŭ novy pakiet patrapiła byłaja načalnica kałonii, jakaja nie pierasiakałasia z Kaleśnikavaj
U novym pakiecie sankcyj Jeŭrasajuza, pryniatym dniami, jość niekalki pamyłak — niekatoryja ź ich surjoznyja.
U novym sankcyjnym śpisie ES možna pabačyć zboi.
Pa-pieršaje, heta sensavyja i hramatyčnyja pamyłki. Navapołackaja sudździa Bałabołava stała Bałabavaj, proźviščy niekatorych napisanyja z pamyłkami ŭ adnoj ci niekalkich tranślitaracyjach. U adnych ukazany asabisty numar pašparta, u druhich — nie. Taksama ciapierašniaha načalnika 1-j papraŭčaj kałonii ŭ Navapołacku Rusłana Mašadzijeva ŭ tekście matyviroŭki źviazvajuć sa śmierciu Vitolda Ašurka, choć jany nie bačylisia, bo Vitolda źmiaścili ŭ 17-ju kałoniju ŭ Škłovie.
Pa-druhoje, niekatoryja ludzi vyhladajuć uklučanymi advolna. Tak, u śpis trapiła byłaja načalnica homielskaj žanočaj kałonii Śviatłana Pachodava. Zhadvajecca, što jana ŭznačalvała kałoniju, kali tudy pryvieźli Maryju Kaleśnikavu, a taksama ździekavałasia z palitviaźniaŭ. Ale jość niuans.
Pachodava ŭznačalvała homielskuju žanočuju kałoniju z 2004 pa 2015 hod. Paśla hetaha jana pajšła na piensiju, i 30 listapada 2015-ha, kali vieryć vypiskam ź dziaržaŭnaha rejestra jurydyčnych asob, pasadu zaniaŭ inšy čałaviek (jon taksama staŭ dyrektaram jurasoby, u jakuju ŭvachodzić homielskaja kałonija).
«Kali my z Natallaj Chierše «zajechali» ŭ homielskuju kałoniju, 3 sakavika 2021-ha hoda, načalnikam užo byŭ Taŭściankoŭ. Pierad im byŭ inšy načalnik, jaki ciapier uznačalvaje homielskaje ŭpraŭleńnie DVP», — zhadvaje byłaja palitźniavolenaja Volha Kłaskoŭskaja.
Pra Pachodavu vodhuki roznyja.
«Dalnaboi», źniavolenyja ź vialikimi terminami, jakija siadzieli pry Pachodavaj, adhukalisia pra jaje davoli dobra. Kazali navat, što Pachodava, kali adychodziła na piensiju, usynaviła dzicia z «Doma maci i dziciaci», ad jakoha admoviłasia źniavolenaja», — dzielicca Kłaskoŭskaja.
Inšaja byłaja palitźniavolenaja raskazała, što pra Pachodavu havaryli jak pra strohuju kiraŭnicu:
«Dahetul u kałonii kažuć «iści za łaźniu». Heta aznačaje, što tam z taboj «raźbiralisia» — prosta źbivali. Adna sa źniavolenych raspaviadała, što žančynu, jakaja ź joj siadzieła i pisała šmat skarhaŭ, časta «vadzili za łaźniu» z padačy administracyi».
Ale padčas znachodžańnia Pachodavaj na pasadzie, pavodle infarmacyi pravaabarončaha centra «Viasna», u homielskaj žanočaj kałonii nie było palitviaźniaŭ. Z Kaleśnikavaj jany taksama amal napeŭna nie pierasiakalisia.
Chto składaŭ śpisy
Pra heta my zapytalisia ŭ Paŭła Łatuški, kiraŭnika Narodnaha antykryzisnaha ŭpraŭleńnia, jakoje ŭ tym liku zajmajecca pytańniami sankcyj i padaje sankcyjnyja śpisy.
«NAU składaje i nakiroŭvaje svaje prapanovy pa ŭklučeńni tych ci inšych asob u sankcyjnyja śpisy ES u ministerstvy zamiežnych spraŭ krain-členaŭ i ŭpaŭnavažanyja orhany ES (Jeŭrakamisiju, Jeŭrapiejskuju słužbu zamiežnych suviaziaŭ).
Sami sankcyjnyja śpisy finalizujuć upaŭnavažanyja słužbovyja asoby orhanaŭ ES. Kančatkovyja sankcyjnyja śpisy nie ŭzhadniajucca ni z kim, akramia MZS krain-čalcoŭ praz svaich pradstaŭnikoŭ u Brusieli. Praca pa padrychtoŭcy sankcyjnych śpisaŭ prachodzić u zakrytym režymie, tamu ŭpłyvać na vynik my nie možam, jak i nie zdolnyja pravieryć śpisy, kab vyčytać proźviščy i pamyłki.
U roznyja časy ŭ MZS krain-udzielnic, Jeŭrakamisiju i Jeŭrapiejskuju słužbu zamiežnych suviaziaŭ nami byli składzienyja i nakiravanyja śpisy čynoŭnikaŭ vajskova-palityčnaha kiraŭnictva režymu Łukašenki, sudździaŭ, prapahandystaŭ, členaŭ Nacyjanalnaha schodu, spartyŭnych funkcyjanieraŭ i inšych asob (usiaho 340 piersanalij). Asobnyja ź ich patrapili ŭ adpaviedny čarhovy sankcyjny pakiet ES. Prapanovy pa pryviedzienych u vašych pytańniach asobach (heta asoby, pieraličanyja ŭ artykule. — «NN») my nie nakiroŭvali ŭ struktury ES.
Śviatłanu Pachodavu moh padać luby adkazny za heta jeŭrapiejski čynoŭnik», — skazaŭ Pavieł Łatuška.
My dasłali zvaroty ŭ adkaznyja za sankcyjnyja śpisy jeŭrapiejskija struktury i apublikujem adkazy adrazu, jak ich atrymajem.
«Naša Niva» — bastyjon biełaruščyny
PADTRYMAĆStali viadomyja try jurydyčnyja asoby ź Biełarusi i 38 fizičnych asob, jakija patrapili pad novyja sankcyi Jeŭrasajuza
«Ty što, leśbijanka?» Byłyja palitźniavolenyja raskazali pra dzivactvy pamočnika načalnika žanočaj kałonii
«Poŭnaja cišynia prymušaje nie prosta chvalavacca, a bić tryvohu». 155 dzion ničoha nie viadoma pra Maryju Kaleśnikavu
«U jaje byŭ štučny kłapan serca». Padrabiaznaści zdareńnia ŭ homielskaj kałonii, dzie pamierła asudžanaja
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»13
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie3838
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie38
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary