Jeŭrasajuz zaćvierdziŭ sankcyi na ekspart vajskovych tavaraŭ u Biełaruś
Restrykcyi raspaŭsiudžvajucca i na tavary dla avijacyjnaj i kaśmičnaj haliny, u tym liku avijacyjnyja ruchaviki i ich častki.
Jeŭrasajuz uvioŭ zabaronu na ekspart u Biełaruś tavaraŭ i technałohij, jakija spryjajuć vajskovamu ŭdaskanaleńniu krainy, a taksama ahniastrelnaj zbroi i bojeprypasaŭ. Pra heta paviedamlajecca ŭ «Aficyjnym časopisie JeC», u jakim apublikavany adpaviednyja narmatyŭnyja akty, piša TASS.
U adnym z dakumientaŭ havorycca ab zabaronie «pradavać, pastaŭlać, pieradavać abo ekspartavać, prama ci ŭskosna, ahniastrelnuju zbroju, jaho častki i asnoŭnyja kampanienty i bojeprypasy».
Zabaraniajecca taksama finansavać abo akazvać techničnuju dapamohu i pasrednickija pasłuhi, źviazanyja z takimi tavarami, «luboj fizičnaj abo jurydyčnaj asobie, arhanizacyi abo orhanu ŭ Biełarusi».
Kamientary