Mastak, jaki tajemna zjeździŭ u Biełaruś pa novy pašpart i čarhovy pierfomans, praciahvaje trolić milicyjantaŭ
Mastak Alaksiej Kuźmič, viadomy svaimi pierfomansami, napisaŭ u fejsbuku, što paśla jaho tajemnaha pryjezdu ŭ Biełaruś milicyjanty chodziać pa dvary doma na Niamizie ź jaho fotazdymkam i raspytvajuć ludziej, ci nie bačyli tut takoha.
Mastak adkazaŭ milicyjantam.
«Milicyja! Dla vas dva momanty:
- Ja zjechaŭ z RB 9 kastryčnika. Na dvary 11-je. Značyć, mianie možna nie šukać, u krainie moj śled astyŭ.
- Zad na moście nie moj. I heta nie zad zusim. Ja staŭ śviedkam kantaktu pryšelcaŭ ź Ziamloj i źniaŭ na videa ich zjaŭleńnie. Tak, vyhladajuć jany dziŭna… Ale nie mienš dziŭna vyhladajem dla ich my, kali nosim jahadzicy nižej pojasa, tady jak jany pavinny być na hałavie. Jak u Joby», — napisaŭ mastak.
Da dopisu jon prykłaŭ novaje fota «dla aryjenciroŭki» (častkova zablurana Redakcyjaj — NN).
«Kali łaska, zamianicie tuju fotku, što ŭ vas ciapier u rukach, i nie zajmajciesia chiernioj», — napisaŭ Kuźmič.
Taksama jon dadaŭ, što pakolki jon «pieršy vyjaviŭ sapraŭdny kantakt inšapłaniecian ź Ziamloj (jašče i ŭ Biełarusi!) i raspavioŭ pra heta śvietu, padniaŭšy imidž radzimy na hieapalityčnaj arenie», to prosić prysvoić jamu zvańnie hieroja Biełarusi i adkryć halereju ź jaho pracami ŭ budynku byłoha vajenkamata («vykinuŭšy adtul pracy Michaiła Savickaha», udakładniŭ mastak).
Niadaŭna stała viadoma, što Alaksiej Kuźmič źjeździŭ u Biełaruś, zrabiŭ tam novy pašpart, a zaadno i pierfomans: padčas novaj akcyi, videa jakoj jon vykłaŭ na jutubie, Alaksiej pakazaŭ hoły zad, stojačy pasiarod praśpiekta Pieramožcaŭ.
Ciapier čytajuć
U Francyi ad śpioki zahinuŭ dalnabojščyk z Dokšycaŭ11
Kamientary