U «darmajedskaj» kamisii raskazali, kaho z tych, chto źjechaŭ za miažu, mohuć vyklučyć z bazy «ŭtrymancaŭ»
Biełaruski, jakija vychoŭvajuć dziaciej da siami hadoŭ i vyjechali za miažu, mohuć pretendavać na vyklučeńnie z bazy «ŭtrymancaŭ», raskazali ŭ «darmajedskaj» kamisii Žodzina, zaŭvažyła «Lusterka».
«Darmajedskija» kamisii prymajuć ad nasielnictva dakumienty, jakija paćviardžajuć ich zaniataść. Kali jość padstavy, to ludziej vyklučajuć z bazy «ŭtrymancaŭ» (kali jany ŭžo patrapili ŭ jaje).
U Žodzinie takaja kamisija za studzień — vierasień hetaha hoda razhledzieła dakumienty ad tych, chto zjechaŭ za miažu.
«Kamisija taksama razhledzieła vyklučeńnie z bazy nie zaniatych u ekanomicy hramadzian 67 čałaviek, jakija pracujuć u Jeŭropie i inšych krainach (nie ŭ Rasijskaj Fiederacyi i nie ŭ JEAES), i 16 maci, jakija vychoŭvajuć dziaciej da siami hadoŭ za miažoj», — paviedamili ŭ kamisii.
Heta značyć, miarkujučy pa hetym paviedamleńni, maci dziaciej da siami hadoŭ uklučajuć u bazu «darmajedaŭ», ale jany mohuć padać zajavu na vyklučeńnie. Dla baćkoŭ hetych dziaciej takaja mahčymaść nie praduhledžanaja, jaje prybrali sa śniežnia 2022 hoda.
Z 2022 hoda «darmajedami» ličacca tyja, chto zjechaŭ za miažu bolš čym na 30 dzion, navat kali pracuje ci vučycca za miažoj. Heta nie tyčycca, praŭda, tych, chto pracuje abo vučycca ŭ krainach JEAES — Rasii, Kazachstanie, Armienii, Kyrhyzstanie. Jašče vyklučeńnie — vyjezd na lačeńnie abo ŭ kamandziroŭku. Taksama, kab paźbiehnuć «darmajedstva», možna zdać u arendu nieruchomuju majomaść abo stać ramieśnikam.
Ciapier čytajuć
Jakija retranślatary na miažy maje na ŭvazie Ukraina?8
Kamientary