U Biełarusi znajšłasia jašče adna baza «darmajedaŭ». Jaje stvaryli dla tych, chto źjechaŭ z krainy
U vieraśni ŭ Biełarusi abnavili bazu «darmajedaŭ». Heta robiać adzin raz na kvartał: chto nie moža paćvierdzić zaniataść, traplaje ŭ lik utrymancaŭ. Adnak vyśvietliłasia, što čynoŭniki paralelna viaduć jašče adnu bazu «darmajedaŭ», jakuju abnaŭlajuć raz na miesiac. Pryčym źviestki dla jaje padaje Dziaržpahrankamitet, piša «Lusterka».
Bazu nie zaniataha ŭ ekanomicy nasielnictva abnaŭlali apošni raz u vieraśni. Infarmacyju ŭ joj aktualizujuć adzin raz na kvartał. U hetym miesiacy ŭ bazu ŭklučyli tych, chto nie zmoh paćvierdzić zaniataść za krasavik — červień biahučaha hoda. Utrymancam, u jakich jość va ŭłasnaści žyllo, vystaŭlajuć pa poŭnych taryfach płaciažy za hazazabieśpiačeńnie, aciapleńnie i haračuju vadu.
Adnak čynoŭniki, jak vyśvietliłasia, paralelna viaduć druhuju bazu «darmajedaŭ». Jaje abnaŭlajuć štomiesiac, a ŭklučajuć u jaje tych, chto źjechaŭ za miažu bolš čym na 30 dzion. Danyja ŭ hetuju bazu daje Dziaržpahrankamitet. Pra heta raspaviali ŭ «darmajedskaj» kamisii Lidskaha rajona.
Darmajedami ličacca tyja, chto źjechaŭ za miažu bolš čym na 30 dzion, navat kali čałaviek pracuje ci vučycca za miažoj. Ale tut jość vyklučeńnie: heta nie tyčycca tych, chto pracuje ci prachodzić navučańnie ŭ krainach JEAES — Rasii, Kazachstanie, Armienii, Kyrhyzstanie. Jašče vyklučeńnie — vyjezd na lačeńnie abo ŭ kamandziroŭku.
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary