U «darmajedki» zapisali biełarusku, jakaja 20 hadoŭ tamu źjechała ŭ Francyju
Minčanka vymušanaja apłačvać častku žyllova-kamunalnych pasłuh pa poŭnym taryfie praz toje, što jaje dačku, jakaja 20 hadoŭ tamu źjechała žyć u Francyju, na radzimie zanieśli ŭ śpis «darmajedaŭ». Pra heta žančyna raskazała namieśniku staršyni Minharvykankama Arciomu Curanu, piša ahienctva «Minsk-Naviny».
Pa słovach žančyny, jaje dačce naležyć zusim nievialikaja dola ŭ kvatery. 20 hadoŭ tamu taja vyjšła zamuž za hramadzianina Francyi i pierajechała žyć da jaho. A ŭ Biełarusi na častku kamunalnych pasłuh joj ciapier vystaŭlajuć poŭny taryf.
Namieśnik staršyni Minharvykankama nahadaŭ, što pracazdolnyja hramadzianie ličacca «darmajedami», kali jany vyjechali na pracu nie ŭ krainy Jeŭrazijskaha ekanamičnaha sajuza: «U ich lik uvachodziać Rasija, Kazachstan, Armienija, Kyrhyzstan. Francyi ŭ hetym pieraliku niama».
Jon nazvaŭ niekalki varyjantaŭ rašeńnia prablemy. Naprykład, prapanavać dačce samoj apłačvać svaju častku sumy za kamunalnyja pasłuhi ci inicyjavać praceduru ab źniaćci jaje z rehistracyi ŭ suviazi z pastajannym pražyvańniem pa-za miežami Biełarusi.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju5
Kamientary
Každyj narod zasłuživajet tu vłasť, kotoraja jeho imiejet :)