«Hałoŭnaje, čaho nam nie chapaje — jeŭrapiejskich haradoŭ». Rasijskija turapieratary raskazali, čamu rasijan vabić zachodniaja Biełaruś
Biełaruś lidziruje ŭ rejtynhu samych papularnych kirunkaŭ u rasijskich turystaŭ na Novy hod, raskazaŭ radyjostancyi «Hovorit Moskva» vice-prezident Aljansu turystyčnych ahienctvaŭ Rasii Alaksan Mkrtčan. Jon adznačyŭ, što naša kraina lidziruje ŭ topie z «vielizarnym adryvam».
Biełaruś cikavaja rasijanam «tym, što jana znachodzicca bližej za ŭsio da Maskvy i Pieciarburha z zamiežža, možna sieści na aŭtamabil, na ciahnik, šmat avijarejsaŭ».
«Samaje hałoŭnaje, čaho rasijanam nie chapaje — jeŭrapiejskich haradoŭ. Zachodniaja Biełaruś — Lida, Hrodna, usia hetaja čarada zamkaŭ polska-litoŭskaj šlachty XVI—XVIII stahodździaŭ, znakamityja zamki ŭ Niaśvižy — usio heta Biełaruś moža rasijanam dać», — adznačyŭ Mkrtčan.
Za Biełaruśsiu ŭ rejtynhu rasijskich upadabańniaŭ znachodziacca Hruzija, Armienija, Kazachstan i Uźbiekistan, što tłumačycca adsutnaściu moŭnaha barjera. A siarod inšych napramkaŭ vyłučajucca AAE, Tajłand i Turcyja. Raniej Turcyju zaŭsiody apiaredžvaŭ Jehipiet, ale sioleta jon sastupiŭ svaje pazicyi z-za kanfliktu ŭ siektary Haza.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach16
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
voś. sami pryznajucca.
a jašče im nie chapaje jeŭrapiejskaha histaryčnaha składnika. tamu - 'Połock - iskonno naš. da i VKŁ - eto žie kniažiestvo prieždie vsieho russkoje' - hučyć ad ichnych typu historykaŭ. i jašče maskavitam nie chapaje słavianskaha składnika, kab śćviardžać svaju jistinno słavianskosť'. tamu tak uparta i nachabna lezuć uvieś čas va Ukrainu i ŭ Biełaruś. ja im kažu - słuchajcie, nu.. kali vy źničtožycie tut usio biełaruskaje, vycieśnicie (ci zabjecie) biełarusaŭ, a sami panajedziecie siudy, dyk tut ža budzie ta ža Razań